Ջումայանն ընդունել է Ֆրանկոֆոնիայի խաղերի միջազգային կոմիտեի պատվիրակությանը
Հասարակություն
17 Նոյեմբերի, 16:26
Առողջապահության նախարարի տեղակալ Արտակ Ջումայանն ընդունել է Ֆրանկոֆոնիայի խաղերի միջազգային կոմիտեի պատվիրակությանը:
Ներկայացվել են առողջապահական կարողությունները` 2027 թվականին Ֆրանկոֆոնիայի հոբելյանական 10-րդ խաղերը Հայաստանում անցկացնելու դեպքում առողջապահական ծառայություններ տրամադրելու նպատակով:
Արտակ Ջումայանը նշել է, որ գերատեսչությունը պատրաստ է ստանձնել այս կարևոր միջոցառման առողջապահական ծառայությունների կազմակերպման աշխատանքները, մասնավորապես, օգտագործելով «Սուրբ Գրիգոր Լուսավորիչ» բազմապրոֆիլ բժշկական կենտրոնի ներուժը, որտեղ տեղակայված է սպորտային բժշկության բաժանմունքը, և անհրաժեշտության դեպքում կներգրավվեն այլ բժշկական կենտրոններ, այդ թվում` մարզերից:
ՖԽՄԿ ներկայացուցիչներն այցելել են նաև «Սուրբ Գրիգոր Լուսավորիչ» բժշկական կենտրոն, շրջել ինչպես սպորտային բժշկության, այնպես էլ` այլ բաժանմունքներում:
Հետևեք մեզ Telegram-ում
