«2010թ. եղել է 44 հազար ժամկետային զինծառայող, 9 տարի անց՝ 24 հազար». պատգամավոր
Հասարակություն
14 Նոյեմբերի, 12:53
«Վերջին առնվազն 15 տարում ամեն տարի նվազել է ժամկետային զինծառայողների թիվը, ինչը մտահոգությունների տեղիք է տալիս»․ այս մասին այսօր լրագրողների հետ զրույցում, օրենքի նոր նախագծի ներկայացման ժամանակ, հայտարարել է պատգամավոր Հայկ Սարգսյանը։
Ըստ պատգամավորի՝ քաղաքացիները չծառայելու համար հաճախ լքում են երկիրը կամ փոխում քաղաքացիությունը։ Նա վիճակագրություն է ներկայացրել։
«2010թ. 44 հազար ժամկետային զինծառայող կար, 9 տարվա ընթացքում այդ թիվը պակասել է 44%-ով. 44 հազարից դարձել է 24 հազար։ Այս օրենքը կխթանի, որ ավելի քիչ թվով մարդիկ խուսափեն ծառայությունից»,- հայտարարել է պատգամավորը։
Ըստ նրա՝ այստեղ կա նաև դեմոգրաֆիական խնդիր․ նվազել է ծնվող տղաների թիվը․
«1992թ. ծնվել է 36 հազար տղա, իսկ 2001թ.՝ 17 հազար տղա։ 10 տարվա ընթացքում 52%-ով քիչ տղա է ծնվել Հայաստանում»,- ընդգծել է պատգամավորը։
Սարգսյանը նաև ներկայացրել է, որ այս նվազման աղետալի վիճակը չի շարունակվել. «2001թ. ծնվել է 17 հազար տղա, իսկ 2022թ.՝ 19 հազար տղա։ Այսինքն, նվազման դինամիկան չի շարունակվել»։
Հետևեք մեզ Telegram-ում
