Սայաթ-Նովա պողոտայից գողացված Լեքսուսը հայտնաբերվել է Նուբարաշենում

Հասարակություն

13 Նոյեմբերի, 17:29

Նոյեմբերի 9-ի առավոտյան ՆԳՆ ոստիկանության օպերատիվ կառավարման կենտրոն էր զանգել Արմավիրի մարզի Քարակերտ գյուղի մի բնակիչ և հայտնել, որ նոյեմբերի 8-ի ժամը 19.00-ից նոյեմբերի 9-ի ժամը 04.30-ն ընկած ժամանակահատվածում գողացել են Երևանի Սայաթ-Նովայի պողոտայի շենքերից մեկի բակում կայանված իր «Լեքսուսը»:

Ոստիկանության Կենտրոնական բաժնի ծառայողների ձեռնարկած միջոցառումների արդյունքում պարզվել է, որ նշված մեքենան Նուբարաշենի 11-րդ փողոցի շենքերից մեկի հարակից ավտոտնակում է և շահագործվում է նույն շենքի բնակիչներից մեկի կողմից: Հետագա միջոցառումների արդյունքում 38-ամյա տղամարդը ձերբակալվել և, գողացված մեքենայով հանդերձ, ներկայացվել է ոստիկանության Կենտրոնական բաժին:

Կազմված փաստաթղթերը ներկայացվել են նախաքննական մարմին:

Հետևեք մեզ Telegram-ում

Նմանատիպ նյութեր

Կիրանցի երեք բնակիչ տեղյակ չի եղել, որ համարվում է «Հայանտառի» աշխատակից ու աշխատավարձ ստանում

Այսօր, 15:50

ՆԳՆ ոստիկանության Իջևանի բաժնի համայնքային ոստիկանները օպերատիվ տեղեկություն էին ստացել, որ Իջևան համայնքի մի քանի բնակիչ 2022 թ․ ընթացքում, որպես սեզոնային բանվոր աշխատանքի ընդունվելով «Հայանտառ» ՊՈԱԿ «Սևքարի անտառտնտեսության» մասնաճյուղում, աշխատանքի չեն գնացել, սակայն ստացել են աշխատավարձ:

Մանվել Բադալյանը՝ ՄՊՀ անդամի թեկնածու

Այսօր, 15:39

ԱԺ-ն քննարկում է մրցակցության պաշտպանության հանձնաժողովի անդամի թափուր պաշտոնում Մանվել Բադալյանի թեկնածությունը։ Նրան առաջադրել են ԱԺ «Հայաստան» և «Պատիվ ունեմ» խմբակցությունները։

Կառուցապատողն առաջարկում է զեղչ մինչև տարեվերջ անշարժ գույք գնելու համար (ԼՈՒՍԱՆԿԱՐՆԵՐ)

Այսօր, 15:29

«Առաջարկում ենք մինչև 10% զեղչ՝ հնարավորություն տալով մինչև դեկտեմբերի 31-ը առավել մատչելի պայմաններով ձեռք բերելու երազանքի հարմարավետ տունը: Մենք իրագործում ենք տարբեր նախագծեր և կարծում ենք, որ յուրաքանչյուրը կգտնի իր նախընտրություններին համապատասխան տարբերակը»,- նշում է ընկերության վաճառքի մասնագետ Նարեկ Հեպոյանը: