Հասարակություն
«Չեմ հիշում, որ Հայաստանը երբևէ այսքան ցածր գործազրկության մակարդակ ունեցած լինի». նախարար
6 Նոյեմբերի 2023, 17:48
Հայաստանում գործազրկության մակարդակը գնալով նվազում է. հայտարարել է ֆինանսների նախարար Վահե Հովհաննիսյանը․ «Ես վիճակագրությանը նախկինում չեմ հետևել, բայց չեմ հիշում, որ երբևէ այսքան ցածր գործազրկության մակարդակ ունեցած լինի Հայաստանը»,- ասել է նա՝ հավելելով, որ աշխատանքի հետ կապված ծրագրերը պետք է բարելավել, և ցանկալի է աշխատանքի տեղավորման աջակցության ծրագրերին բիզնես նպատակահարմարության տեսանկյունից նայել։
Աշխատանքի և սոցիալական հարցերի նախարար Նարեկ Մկրտչյանն էլ որոշ ցուցանիշներ է հրապարակել՝ տեղեկացնելով, որ 2023 թվականին գործազրկության ցուցանիշը 11,7% է, իսկ 2022թ․ նույն ժամանակահատվածում 13% էր:
