Հասարակություն
«2025թ. բժիշկների համար աշխատելու նախապայման կլինի լիցենզիան». Ավանեսյան
18 Հոկտեմբերի 2023, 13:55
Ներկայացնելով բուժաշխատողների պարտադիր լիցենզավորման վերաբերյալ օրենսդրական փոփոխությունների նախագիծը, առողջապահության նախարար Անահիտ Ավանեսյանը մանրամասնել է, որ մինչև 2027թ. պետք է անցկացվի գործող բուժաշխատողների լիցենզավորման գործընթաց, որպեսզի հունվարի 1-ին պատրաստ լինեն, բոլորն ունենան լիցենզիա ու կարողանան գործունեությունը շարունակել։
2025թ. հետո բոլոր բուհ ավարտողները պետք է ստանան լիցենզիա, հետո նոր ներգրավվեն աշխատանքի, ոչ թե սպասեն 2027թ.։ Այսինքն, ըստ նախարարի, 2025թ., որպես աշխատաշուկա մուտք գործելու նախապայման, սկսելու է գործել լիցենզավորման պարտադիր պահանջը։
