Հասարակություն
«Հայաստանի սահմաններին վիճակը կայուն է, լարման միտում չի նկատվում». փոխնախարար
29 Սեպտեմբերի 2023, 11:43
«Հայաստանի սահմանամերձ հատվածներում վիճակը հարաբերական կայուն է». լրագրողների հետ ճեպազրույցում հայտնել է ՀՀ պաշտպանության փոխնախարար Արման Սարգսյանը։ Նրա խոսքով՝ Հայաստանը հետևում է իրավիճակին։
Թե ադրբեջանական զորքերը որ հատվածներում են հիմնականում կուտակված, փոխնախարարը չմանրամասնեց. «Ադրբեջանի հետ գրեթե ողջ սահմանագծով մենք սահմանային գոտում ենք հայտնվել, և եթե կուտակումներ լինում են, դա վերաբերում է բոլոր հատվածներին․ մի տեղ ավել, մի տեղ՝ պակաս, մի տեղ մի զինատեսակ ավել, մի տեղ՝ պակաս։ Բայց, կարևորը, այս պահին սահմանային իրավիճակը հարաբերականորեն կայուն է, և լարման միտում չի նկատվում»։
