Փրկարարներն օգնել են «Սուրբ Հովհաննես» մատուռի մոտակայքում վնասվածք ստացած քաղաքացուն
Հասարակություն
16 Սեպտեմբերի, 23:49
Սեպտեմբերի 16-ին՝ ժամը 16:25-ին Լոռու մարզային ճգնաժամային կառավարման կենտրոն ահազանգ է ստացվել, որ Հարթագյուղում՝ «Սուրբ Հովհաննես» մատուռի մոտակայքում քաղաքացին ընկել և վնասել է ոտքը․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Փրկարարները Մ. Ա.-ին (ծնված 1958 թ․) պատգարակով (մոտ 60 մ), այնուհետև փրկարարական ավտոմեքենայով (մոտ 800մ) իջեցրել և մոտեցրել են սեփական ավտոմեքենային։
