Բոլոր քաղաքական ուժերը ունեցել են հավասար հնարավորություններ. Սանոսյանը ընդունել է ԵԽ դիտորդական պատվիրակությանը

ՀՀ ՏԿԵ նախարար Գնել Սանոսյանն ընդունել է Եվրոպայի խորհրդի տեղական և տարածքային իշխանությունների Կոնգրեսի պատվիրակությանը` Կառլա Դեժոնյեի ղեկավարությամբ։

Նախարարը ողջունել է հյուրերին և կարևորել կիրակի օրը Երևանի ավագանու ընտրություններին պատվիրակության ներկայությունը և  նրանց կողմից իրականացվելիք դիտորդական առաքելությունը։

Նախարարն ընդգծել է՝ չափազանց մեծ ուշադրություն է դրաձվել ընտրությունների նախապատրաստական, կազմակերպչական և բուն ընտրությունների կազմակերպման աշխատանքներին, որպեսզի ամեն ինչ լինի Ընտրական օրենսգրքին համահունչ։

Նախարար Սանոսյանը հավաստիացրել է, որ քարոզարշավի ընթացքում ընտրությանը մասնակից բոլոր քաղաքական ուժերը ունեցել են հավասար հնարավորություններ իրենց գաղափարները, նախընտրական ծրագրերը ընտրողներին ներկայացնելու համար, կազմակերպվել են բանավեճեր, եղել են իրազեկման արշավներ․ «Այս ամենը վկայում է, որ քարոզարշավի համար բավական լավ միջավայր է եղել»,-ընդգծել է նախարարը՝ համոզմունք հայտնելով, որ ընտրությունները կանցնեն ազատ, արդար ու թափանցիկ մթնոլորտում։ 

Պատվիրակության անդամները նախարարից հետաքրքրվել են ընտրական գործընթացի կազմակերպման, ինչպես նաև տեղական ինքնակառավարման ոլորտում վարչատարածքային բարեփոխումների արդյունքում իրականացվող ապակենտրոնացման քաղաքականությամբ։

Նմանատիպ նյութեր

Առանձին շրջաններում սպասվում են տեղումներ

Այսօր, 9:00

Քամին հարավարևելյան է՝ 3-4 մ/վրկ, ամպրոպի ժամանակ սպասվում է քամու ուժգնացում 17-20 մ/վրկ արագությամբ։ Օդի ջերմաստիճանն էապես չի փոխվի։

Լևոն Քոչարյանը ձերբակալվել է

Երեկ, 23:15

Նա նշել է՝ ոստիկանները հաղորդում են ներկայացրել, որ Լևոն Քոչարյանը 4 կարմիր բերետավորի է ծեծել։

Երևան-Գյումրի ավտոճանապարհին բախվել են մեքենաներ, տուժածների թվում կան անչափահասներ

Երեկ, 22:38

Մինչ փրկարարների կանչի վայր հասնելը՝ «VAZ» մակնիշի ավտոմեքենայի ուղևոր Ռ․ Մ․-ն (ծնված 2016 թ․), «Mazda» մակնիշի ավտոմեքենայի ուղևորներ Ս․ Ա․-ն (ծնված 2017 թ․), Ս․ Ա․-ն (ծնված 1964 թ․) և վարորդ Ս․ Ա․-ն (ծնված 1991 թ․), «Toyota» մակնիշի ավտոմեքենայի ուղևոր Խ․ Ա․-ն (ծնված 1956 թ․) դուրս են բերվել ավտոմեքենաներից տեղի ուժերով և հոսպիտալացվել բժշկական կետրոններ։