«Վթարների պատճառը ասֆալտապատ ճանապարհն է. մարդիկ ինքնամոռաց գազ են տալիս»․ վարչապետ (ՏԵՍԱՆՅՈՒԹ)
Հասարակություն
13 Սեպտեմբերի, 17:27
Հայաստանի վարչապետ Նիկոլ Փաշինյանն ԱԺ-կառավարություն հարցուպատասխանի ժամանակ անդրադարձել է վթարների հաճախակիությանը։
Նրա խոսքով՝ պատճառներից մեկը մեքենաների շատությունն է. «Ի միջիայլոց, ՆԳ նախարարը, երբ վերջերս հարց էի բարձրացրել՝ վթարների հետ կապված, ասաց՝ չզարմանաք, բայց նաև ասֆալտներն են պատճառը, որ այդքան վթար է լինում։ Մարդիկ ասֆալտած ճանապարհին ինքնամոռաց գազ են տալիս։ Մի քիչ աբսուրդ է հնչում, բայց դա ճշմարտություն է»,- ասել է նա՝ հավելելով, որ չեն պատրաստվում ասֆալտապատումը դադարեցնել և շարունակելու են ծրագրերը։
