Արգիշտի Քյարամյանը Վրաստանում է

Վրաստանի հատուկ քննչական ծառայության ղեկավարի պաշտոնական հրավերով Հայաստանի Հանրապետության քննչական կոմիտեի նախագահ Արգիշտի Քյարամյանն աշխատանքային այց է կատարել Վրաստան։

Սեպտեմբերի 5-ին ՀՀ քննչական կոմիտեի նախագահ Արգիշտի Քյարամյանն այցելել է Վրաստանի հատուկ քննչական ծառայության Քութայիսիի գրասենյակ, որտեղ հանդիպում է ունեցել Վրաստանի հատուկ քննչական ծառայության ղեկավար Կոկա Կատսիտաձեի հետ։

Հանդիպմանն անդրադարձ է կատարվել երկու երկրների քննչական ծառայությունների համագործակցության առկա հնարավորությունների իրացման հեռանկարներին։

Երկուստեք ընդգծվել է երկու կառույցների միջև մասնագիտական փորձի փոխանակման կարևորությունը։

ՀՀ քննչական կոմիտեի նախագահը, շնորհակալություն հայտնելով պարոն Կատսիտաձեին հրավերի համար, ընդգծել է, որ իր այցով տրվում է Վրաստանի հատուկ քննչական ծառայության և քննչական մյուս մարմինների հետ նոր որակի և սերտ համագործակցության մեկնարկը։

Հանդիպումից հետո Արգիշտի Քյարամյանը շրջայց է կատարել Վրաստանի ՀՔԾ գրասենյակում, ծանոթացել վերջինիս գործունեության ուղղություններին և առանձնահատկություններին։

ՀՀ քննչական կոմիտեի պատվիրակությանն ուղեկցում է Վրաստանում Հայաստանի Հանրապետության արտակարգ և լիազոր դեսպան Աշոտ Սմբատյանը։

Նմանատիպ նյութեր

Առանձին շրջաններում սպասվում են տեղումներ

Այսօր, 9:00

Քամին հարավարևելյան է՝ 3-4 մ/վրկ, ամպրոպի ժամանակ սպասվում է քամու ուժգնացում 17-20 մ/վրկ արագությամբ։ Օդի ջերմաստիճանն էապես չի փոխվի։

Լևոն Քոչարյանը ձերբակալվել է

Երեկ, 23:15

Նա նշել է՝ ոստիկանները հաղորդում են ներկայացրել, որ Լևոն Քոչարյանը 4 կարմիր բերետավորի է ծեծել։

Երևան-Գյումրի ավտոճանապարհին բախվել են մեքենաներ, տուժածների թվում կան անչափահասներ

Երեկ, 22:38

Մինչ փրկարարների կանչի վայր հասնելը՝ «VAZ» մակնիշի ավտոմեքենայի ուղևոր Ռ․ Մ․-ն (ծնված 2016 թ․), «Mazda» մակնիշի ավտոմեքենայի ուղևորներ Ս․ Ա․-ն (ծնված 2017 թ․), Ս․ Ա․-ն (ծնված 1964 թ․) և վարորդ Ս․ Ա․-ն (ծնված 1991 թ․), «Toyota» մակնիշի ավտոմեքենայի ուղևոր Խ․ Ա․-ն (ծնված 1956 թ․) դուրս են բերվել ավտոմեքենաներից տեղի ուժերով և հոսպիտալացվել բժշկական կետրոններ։