Մեկնարկում է «Զգուշացե՛ք, երեխաներ են» միջոցառումը

ՆԳՆ ոստիկանությունում տեղի ունեցավ աշխատանքային խորհրդակցություն, որը վարել է ոստիկանության պետի տեղակալ, ոստիկանության գնդապետ Կարեն Հակոբյանը։ Մասնակցել են ոստիկանության հասարակական անվտանգության ապահովման գլխավոր վարչության, պարեկային ծառայության, ճանապարհային ոստիկանության, մայրաքաղաքի և մարզային վարչությունների պետերի ծառայության գծով տեղակալներ։

Ոստիկանության պետի տեղակալը նշել է, որ 2023-2024 ուսումնական տարվա մեկնարկի կապակցությամբ հանրապետությունում սեպտեմբերի 1-ից հոկտեմբերի 1-ն անցկացվելու է «Զգուշացե՛ք, երեխաներ են» միջոցառումը, որի նպատակն է հանրապետության բոլոր ուսումնական հաստատությունների ու դպրոցների շրջակայքում ապահովել պատշաճ հասարակական կարգ և անվտանգ երթևեկություն։

Գողության, գրպանահատության և այլ հանցագործությունները կանխելու նպատակով Կարեն Հակոբյանը հանձնարարել է ուժեղացնել ծառայությունը հատկապես տոնավաճառների և առևտրային համալիրների մոտ։ Քննարկվել է նաև ուսումնական հաստատությունների շրջակայքում ճանապարհային գծանշումների թարմացման և նախազգուշացնող լուսացույցերի, նշանների կահավորման վերաբերյալ հարցեր։

Անդրադարձ է կատարվել «Օրինապահ հետիոտն» միջոցառմանը, որի շրջանակում դպրոցականների շրջանում անցկացվելու են ճանապարհային երթեկության կանոնների վերաբերյալ ուսուցողական դասընթացներ։ Խորհրդակցության ընթացքում համապատասխան ստորաբաժանումների պատասխանատուների հետ քննարկվեցին ծառայության կազմակերպման վերաբերյալ հարցեր։ Ակտիվ աշխատանք է իրականացվելու դպրոցների տնօրենների և մանկավարժական խորհուրդների հետ։

Նմանատիպ նյութեր

Ժամը 12.00 դրությամբ ԼՂ-ից Հայաստան է ժամանել 68.386 բռնի տեղահանված

Այսօր, 12:44

Ժամը 12:00-ի դրությամբ ԼՂ-ից բռնի տեղահանված 68386 անձ է ժամանել Հայաստանի Հանրապետություն.

Հռոմի ստատուտի վավերացումը չի ազդում Հայաստան–Ռուսաստան հարաբերությունների մակարդակի վրա. Վլադիմիր Վարդանյան

Այսօր, 12:30

«Սա որևիցե եղանակով չէր ազդում Հայաստան–Ռուսաստան հարաբերությունների մակարդակի վրա` հաշվի առնելով նաև այն հանգամանքը, որ մենք բավականին երկար աշխատանք ենք կատարել, որ հայ-ռուսական դաշնակցային հարաբերություններն, ըստ էության, պահպանվեն այնպիսի մակարդակում, որ փաստաթղթի վավերացումից հետո որևիցե վտանգ դրանց չսպառնա»

Հայաստանյան բուժհաստատություններում մահացել է ԼՂ—ից տեղափոխված 7 անձ

Այսօր, 12:23

ՀՀ բուժհաստատություններում ԼՂ-ից Հայաստան տեղափոխված 7 անձ է մահացել, որից 6-ը պայթյունից տուժածներ են։