Մեկնարկել են Հակակոռուպցիոն ռազմավարության վերաբերյալ հանրային քննարկումները

Արդարադատության նախարարի տեղակալ Կարեն Կարապետյանի գլխավորությամբ մեկնարկել է «Հակակոռուպցիոն ռազմավարությունը և դրանից բխող 2023-2026 թվականների գործողությունների ծրագիրը հաստատելու մասին» Կառավարության որոշման նախագծի հանրային քննարկումների շարքը, որի շրջանակում քննարկվել է «Կոռուպցիայի կանխարգելում» ռազմավարական նպատակների ներքո նախատեսված ռազմավարական ուղղությունների և գործողությունների վերաբերյալ ուղղությունը:

Կարեն Կարապետյանը կարևորել է հակակոռուպցիոն ռազմավարության մշակման գործում հանրային ներգրավվածության և ներառականության ապահովման կարևորությունը: Կարևորվել է նաև հակակոռուպցիոն ռազմավարության նախագծի կարիքների հավաքագրման և բուն մշակման գործում Հակակոռուպցիոն ռազմավարության մշակման համար ստեղծված ներառական աշխատանքային խմբի դերակատարումը:

Այնուհետև նախարարի տեղակալը ներկայացրել է «Կոռուպցիայի կանխարգելում» ռազմավարական նպատակների ներքո նախատեսվող հիմնական բարեփոխումների ուղղությունները՝ անդրադառնալով բարեվարքության և հայտարարագրման համակարգերի կատարելագործման, կանխարգելման թվային գործիքների ներդրման, Կոռուպցիայի կանխարգելման հանձնաժողովի ինստիտուցիոնալ հզորացման և ԿԿՀ անդամների ընտրության գործընթացի բարելավմանն ուղղված լայնածավալ միջոցառումներին:

Հանրային քննարկման մասնակիցները ներկայացրել են իրենց դիտարկումները, ներկայացվել են իրավակիրառ փորձին առնչվող խնդիրները, հնչել են ռազմավարության նախագծի բարելավմանն ուղղված էական առաջարկություններ և քննարկվել դրանց՝ նախագծում իրացնելու հնարավորությունների շրջանակը: Արդարադատության նախարարի տեղակալը հանրային քննարկման մասնակիցներին շնորհակալություն է հայտնել էական առաջարկությունների համար:

Հանրային քննարկմանը մասնակցել են ոլորտային հասարակական կազմակերպությունների, քաղաքացիական հասարակության ներկայացուցիչներ, պետական մարմինների և դոնոր կազմակերպությունների՝ շուրջ 40 ներկայացուցիչներ:

Հիշեցնենք, որ «Հակակոռուպցիոն ռազմավարությունը և դրանից բխող 2023-2026 թվականների գործողությունների ծրագիրը հաստատելու մասին» Կառավարության որոշման նախագիծը ներկայացվել է հանրային քննարկման իրավական ակտերի նախագծերի հրապարակման միասնական՝ www.e-darft.am կայքում (https://www.e-draft.am/projects/5986):

Նմանատիպ նյութեր

Լևոն Քոչարյանը ձերբակալվել է

Երեկ, 23:15

Նա նշել է՝ ոստիկանները հաղորդում են ներկայացրել, որ Լևոն Քոչարյանը 4 կարմիր բերետավորի է ծեծել։

Երևան-Գյումրի ավտոճանապարհին բախվել են մեքենաներ, տուժածների թվում կան անչափահասներ

Երեկ, 22:38

Մինչ փրկարարների կանչի վայր հասնելը՝ «VAZ» մակնիշի ավտոմեքենայի ուղևոր Ռ․ Մ․-ն (ծնված 2016 թ․), «Mazda» մակնիշի ավտոմեքենայի ուղևորներ Ս․ Ա․-ն (ծնված 2017 թ․), Ս․ Ա․-ն (ծնված 1964 թ․) և վարորդ Ս․ Ա․-ն (ծնված 1991 թ․), «Toyota» մակնիշի ավտոմեքենայի ուղևոր Խ․ Ա․-ն (ծնված 1956 թ․) դուրս են բերվել ավտոմեքենաներից տեղի ուժերով և հոսպիտալացվել բժշկական կետրոններ։

Ձերբակալվել է հավաքի ժամանակ ոստիկանի ուղղությամբ շիշ նետած քաղաքացի․ ՔԿ

Երեկ, 21:51

Ձեռնարկված անհրաժեշտ միջոցառումների արդյունքում նշված անձը, ով Գեղարքունիքի մարզի Վարդենիս համայնքի բնակիչ է, գտնվել է և տեղափոխվել ոստիկանության բաժին: