Հասարակություն
Ոսկետափ գյուղում մայրն ու անչափահաս երեխաները մեքենայով հայտնվել են ջրատարում. նրանք տեղափոխվել են հիվանդանոց
Այսօր՝ հուլիսի 22-ին, ավտովթար Է տեղի ունեցել Արարատի մարզում: Ժամը 15:15-ի սահմաններում 31-ամյա Էլզա Գ.-ն իր վարած Mazda մակնիշի ավտոմեքենայով Երևան-Երասխ ավտոճանապարհի 40 կմ հատվածում, դեռևս անհայտ հանգամանքներում, դուրս է եկել երթևեկելի գոտուց և հայտնվել ջրատարում: Այս մասին հայտնում է Shamshyan.com-ը:
Վթարի հետևանքով օպերատիվորեն ժամանած «Վեդու» բժշկական կենտրոնի շտապօգնության բժիշկներն ու ՀՀ Ներքին գործերի նախարարության Փրկարար ծառայության թիվ 26 հրշեջ փրկարարական ջոկատի հրշեջ-փրկարարները, օգնություն են ցուցաբերել վարորդին և նրա 3 անչափահաս ուղևորներին:
Վերջիններս տեղափոխվել են «Վեդի» բժշկական կենտրոն, որտեղ անհրաժեշտ բուժօգնություն ստանալուց հետո մայրը հայտնել է, որ ինքը և իր երեխաները չեն տուժել և հրաժարվել է հիվանդանոցում մնալուց:
Ժամանել են նաև Ոստիկանության Արարատի բաժնի օպերատիվ խումբը՝ բաժնի պետ Ֆիլիպպ Ստեփանյանի գլխավորությամբ:
