Հասարակություն
Պետական բյուջեով գրեթե կկրկնապատկվեն առողջապահության ոլորտի ծախսերը
ՀՀ առողջապահության նախարարությունից հայտնում են, որ առողջապահության ոլորտի ծախսերը միջնաժամկետ հատվածում գրեթե կկրկնապատկվեն՝ 2026թ. հասնելով շուրջ 287 մլրդ դրամի` 2023թ. 149 մլրդ դրամի դիմաց:
«Առողջապահությունը, որպես սոցիալական ոլորտ, պետական բյուջեի հիմնական ծախսային գերակայություններից մեկն է:
Կառավարության այսօրվա նիստում` Հայաստանի Հանրապետության պետական միջնաժամկետ ծախսերի 2024-2026 ծրագրի քննարկման ժամանակ նշվել է, որ քաղաքացիների համար առողջապահական ծառայությունների հասանելիության ու մատչելիության ապահովման նպատակով 2024 թվականի 2-րդ կիսամյակից սկսած, աստիճանաբար ներդրվելու է առողջության համապարփակ ապահովագրության համակարգը:
Այն կուղղվի առողջապահական ծառայություններ ստանալու պահին քաղաքացու համար զգալի ծախսերի նվազեցմանը:
Առողջապահության ոլորտի ծախսերը միջնաժամկետ հատվածում գրեթե կկրկնապատկվեն՝ 2026թ. հասնելով շուրջ 287 մլրդ դրամի` 2023թ. 149 մլրդ դրամի դիմաց»,- հայտնում են ԱՆ-ից:
