Թվայնացման շնորհիվ կարգավորվել է քաղաքացիների հերթագրման համակարգը․ ՀՀ ԱՆ
Հասարակություն
17 Մայիսի, 20:51
Առողջապահության նախարարության Պետական առողջապահական գործակալությունը թվայնացման շնորհիվ` կարգավորել է քաղաքացիների հերթագրման համակարգը: Այժմ գործում է էլեկտրոնային համակարգ, որը թույլ է տալիս չխախտել պացիենտների իրավունքներն ու բացառում է հերթագրման սկզբունքների խախտումը:
«Պետք է նշենք, որ մեր երկրում պլանային ծառայությունները մատուցվում են հերթագրման սկզբունքով, իսկ պացիենտի իրավունքն է հերթագրման օրն ստանալ իրեն հասանելի բժշկական օգնությունը:
Հերթագրման ենթակա չեն անհետաձգելի դեպքերը, չարորակ նորագոյացությունների քիմիաթերապևտիկ և վիրահատական միջամտություններն ու որոշման մեջ ընդգրկված հիվանդությունների, վիճակների և սոցիալական խմբերի բուժօգնությունը»,- ասված է նախարարության հաղորդագրությունում:
