ԱԺ ՔՊ խմբակցության պատգամավոր Վիգեն Խաչատրյանը պետաիրավական հարցերի մշտական հանձնաժողովի նիստում ՀՀ գլխավոր դատախազության տարեկան հաղորդման քննարկման ժամանակ հայտարարել է, թե հասարակությունը մեծ սպասելիքներ ունի Աննա Վարդապետյանի նշանակումից։
Խաչատրյանը խոսել է քրեական գործերով հետախուզման մեջ գտնվող նախկին պաշտոնյաների մասին՝ հարցնելով, թե հույս կա՞, որ նրանք կկանգնեն արդարադատության առաջ. «Լկտիությունը հասել է նրան, որ հայտնի կոռուպցիոներները կշտամբում են մեզ և ձեզ՝ ասելով՝ եթե կոռուպցիա կար, բանտում ինչու՞ մի հատ կոռուպցիոներ չկա»։
Աննա Վարդապետյանը նշեց, որ ինքը քաղաքական զսպվածության և չեզոքության զսպաշապիկ ունի. «Ես քաղաքական իմաստով ամբողջ կյանքում եմ եղել զուսպ և չեզոք»։
Վարդապետյանն անդրադարձել է ձգձգված արդարադատության թեմային՝ շեշտելով, որ դա լուրջ խնդիր է. «Բոլորի վրա դրված է էդ պարտականությունը՝ գործերը 6 ամիս, 8 ամիս քննվում են»։