Հասարակություն
«Այլապես, կլինենք հիվանդաբուժության, այլ ոչ թե առողջապահության նախարարություն». Ավանեսյան (ՏԵՍԱՆՅՈՒԹ)
ՀՀ առողջապահության նախարար Անահիտ Ավանեսյանը հայտարարել է, որ իրենց ռազմավարական նպատակն է բնակչության առողջության պահպանումը, հիվանդացության, հաշմանդամության և վաղաժամ մահացության նվազեցումը, կյանքի միջին տևողության աճն ու կյանքի որակի բարելավումը։
ՀՀ կառավարության 2022թ. ծրագրի կատարողականի ժամանակ Ավանեսյանը շեշտել է, որ իրենք իրականացնում են մարդկանց առողջության բարելավման և առողջապահական համակարգի բարեփոխմանն ուղղված միջոցառումներ։ Ըստ Ավանեսյանի՝ 2022թ․-ից ուշադրության կենտրոնում են պահում առողջ սննդի հարցը՝ կարևորելով առողջ ապրելակերպի վարքագծի ամրապնդումը հատկապես երեխաների ու դեռահասների մոտ։
Նախարարը խոսել է քաղցկեղի վաղ հայտնաբերման և բուժման ուղղությամբ իրականացված ծրագրերի մասին. «Անհատի և հանրային առողջությունն անգնահատելի ռեսուրս է, որը պետք է պատասխանատվությամբ պահպանել և զերծ պահել հասարակությանը վնասակար ազդեցություններից։ Այլապես, միշտ կլինենք հիվանդաբուժության նախարարություն, ոչ թե առողջապահության»։
