ՀՀ առողջապահության նախարար Անահիտ Ավանեսյանը տեղեկացրել է, որ Տեղ գյուղի մոտ ադրբեջանական ռազմական սադրանքի հետևանքով վիրավորում ստացած 6 զինծառայողներից 3-ի վիճակը բավարար է, մյուս 3-ի վիճակը՝ միջին ծանրության, ծանր և ծայրահեղ։
Ավանեսյանի խոսքով, վիրավորներից 4 Երեւանում են, մյուս 2-ը՝ Սիսանում, և նրանց տեղափոխելու կարիք չկա. «Բոլորը գտնվում են բժիշկների հսկողության տակ և ամեն ինչ արվում է, որ նրանք օր առաջ ապաքինվեն»։