«Հայ-վրացական բարեկամական հարաբերություններն ավելի կխորանան»․ ՏԿԵ նախարար
Հասարակություն
28 Մարտի 2023, 23:16ՀՀ տարածքային կառավարման և ենթակառուցվածքների նախարար Գնել Սանոսյանն այսօր ընդունել է Հայաստանում Վրաստանի նորանշանակ արտակարգ և լիազոր դեսպան Գիորգի Շարվաշիձեին: Նախարարը ողջունել է դեսպանին, շնորհավորել նշանակման կապակցությամբ և հաջողություններ մաղթել կարևոր առաքելության ընթացքում։
Նախարարը վստահություն է հայտնել, որ համատեղ աշխատանքի արդյունքում հայ-վրացական բարեկամական հարաբերություններն էլ ավելի կխորանան և կզարգանան։
Դեսպան Գիորգի Շարվաշիձեն շնորհակալություն է հայտնել ջերմ ընդունելության համար, իր հերթին նշել, որ Հայաստանի ու Վրաստանի հարաբերությունները վերջին շրջանում ավելի ջերմ ու եղբայրական են դարձել, և ինքն իր աշխատանքի ընթացքում նպաստելու է առկա հարաբերությունների զարգացմանը։
Հանդիպման ժամանակ քննարկվել են ՏԿԵ նախարարի՝ առաջիկայում Վրաստան կատարելիք այցի մանրամասները։ Քննարկվել են նաև տարածաշրջանային, ենթակառուցվածքների, շինարարության ոլորտների վերաբերյալ, ինչպես նաև երկկողմ հետաքրքրություն ներկայացնող այլ հարցեր։
Նմանատիպ նյութեր
Վերլուծություն
ԱՄՆ-ն և ԵՄ դաշնակիցները չեն կարող լինել այն ամենը, ինչ Հայաստանն ուզում է. RAND
Հայաստանի քաղաքական դաշտը նոր դիսկուրս է ստացել՝ ԵՄ անդամության թեկնածություն