Քննարկվել է Հայաստանում սոցիալական բնակարանաշինության քաղաքականության հայեցակարգը

Աշխատանքի և սոցիալական հարցերի նախարար Նարեկ Մկրտչյանը հանդիպում է ունեցել «Ցե-Կվադրատ Ամպեգա Ասսեթ Մենեջմենթ/Հայաստան» ընկերության կառավարման խորհրդի անդամ, վարչության նախագահի տեղակալ Անդրեաս Վիմմերի և «Վիեներ Վոհեն» Վիեննայի մունիցիպալ գույքի կառավարման կազմակերպության միջազգային հարաբերությունների գծող ղեկավար Քրիստիան Շանթլի հետ։ Հանդիպումը կայացել է «Ցե-Կվադրատ» ընկերության՝ Ավստրիայի մայրաքաղաքում տեղակայված գլխամասային գրասենյակում։

Հանդիպման ընթացքում քննարկվել են Հայաստանի Հանրապետությունում սոցիալական բնակարանաշինության մշակվելիք քաղաքականության հայեցակարգը, սոցիալական բնակարանաշինության ոլորտում պետություն-մասնավոր գործակցության հնարավորությունները։ Գործընկերների կողմից ներկայացվել է վիեննական բազմամյա փորձը՝ սոցիալական բնակապահովման մեջ, ինչպես նաև քննարկվել են կուտակային կենսաթոշակային ֆոնդերի կառավարիչների ներդրումային մասնակցության հնարավորություններն ու ձևաչափը։

Հանդիպման ընթացքում հայկական կողմը ներկայացրել է սոցիալական բնակարանաշինության ոլորտում Աշխատանքի և սոցիալական հարցերի նախարարության կողմից առաջիկայում մշակվելիք ռազմավարության առանցքային ուղղությունները, մասնավորապես՝ սոցիալական առանձին խմբերի համար բնակարանային մատչելիության և հասանելիության համաչափ ծրագրերի ձևերն ու սուբսիդավորման հնարավոր մեխանիզմները։

Վիեննա քաղաքի սոցիալական բնակարանաշինության և սուբսիդավորման քաղաքականությունը մեծ հետաքրքրություն է առաջացրել հայկական կողմի համար, ինչի առնչությամբ «Ցե-Կվադրատ» ընկերության ներկայացուցիչները պատրաստակամություն են հայտնել կիսվել իրենց լավագույն փորձով՝ ծրագրում գործուն մասնակցություն ապահովելու, այդ թվում՝ փոխայցելություններ կազմակերպելու միջոցով։

Նմանատիպ նյութեր

Մարզադաշտի անվտանգության աշխատակցի հետ վիճաբանած երիտասարդները ձերբակալվել են

Այսօր, 16:34

Ոստիկանության Կենտրոնական բաժնի համայնքային ոստիկանները մարտի 28-ին Վազգեն Սարգսյանի անվան մարզադաշտի տարածքում, խուլիգանություն կատարելու կասկածանքով, ձերբակալել և բաժին են ներկայացրել 32 և 34 տարեկան երկու երիտասարդների:

Կաթողիկոսը բարձրաձայնել է Եկեղեցու մտահոգությունները՝ «Հայ Եկեղեցու պատմություն» առարկայի առնչությամբ

Այսօր, 16:26

Մարտի 29-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց ՀՀ կրթության, գիտության, մշակույթի և սպորտի նախարար Ժաննա Անդրեասյանին՝ ուղեկցությամբ փոխնախարար Արա Խզմալյանի։

ՔՊ-ն ՀԾԿՀ անդամի պաշտոնում առաջադրել է Սերգեյ Աղինյանի թեկնածությունը

Այսօր, 16:15

ԱԺ «Քաղաքացիական պայմանագիր» խմբակցությունը Հանրային ծառայությունները կարգավորող հանձնաժողովի անդամի պաշտոնում առաջադրել է Սերգեյ Աղինյանի թեկնածությունը։