Հասարակություն
Մեկնարկել են Առողջության համապարփակ ապահովագրության օրենքի շուրջ վերաբերյալ քննարկումները
Առողջության համապարփակ ապահովագրության օրենքի նախագծի շուրջ Ազգային ժողովի գործընկերների հետ քննարկումները մեկնարկել են:
Առողջապահության նախարարի առաջին տեղակալ Լենա Նանուշյանը և ԱՆ փորձագիտական խումբը ԱԺ աշխատանքի և սոցիալական հարցերի մշտական հանձնաժողովի նախագահ, պատգամավոր Հերիքնազ Տիգրանյանի հետ հանդիպմանը ներկայացրել են օրենքի նախագծի մշակման աշխատանքների ընթացքը, հիմնական շեշտադրումները և այլ հարակից օրենսդրական փոփոխությունների նախագծերը:
Քննարկվել են պետության կողմից ապահովագրվող սոցիալական խմբերին, ապահովագրական հիմնադրամի գործունեությանը և հնարավոր բողոքների լուծման կարգին վերաբերող բազմաթիվ հարցեր:
Հերիքնազ Տիգրանյանը պատրաստակամություն է հայտնել մասնակցելու հետագա քննարկումներին, քանի որ համակարգի ներդրմամբ սոցիալական երաշխիք կստեղծվի, որ առողջական խնդիրների դեպքում ընտանիքները չեն աղքատանա:
