Հասարակություն
Ազգային ֆուտբոլային մարզադաշտ կառուցելու համար նոր ներդրողների հետ բանակցություններ են ընթանում
ՀՀ վարչապետ Նիկոլ Փաշինյանն իր ելույթներից մեկում հայտարարել էր, թե կառավարությունը աշխատանքներ է տանելու ազգային ֆուտբոլային մարզադաշտ ունենալու համար։ Radar Armenia-ն հարցում էր ուղարկել ֆուտբոլի ֆեդերացիա՝ պարզելու, թե այս պահին աշխատանքներ տարվու՞մ են այդ ուղղությամբ, և եթե տարվում են, որտե՞ղ է դիտարկվում այն կառուցել, կա՞ն կառուցման աշխատանքները սկսելու ժամկետներ, և ո՞ր կառույցների հետ պետք է աշխատեն կառավարությունը և ՀՖՖ-ն:
Հարցմանն ի պատասխան՝ ՀՖՖ-ի լրատվության բաժնից հայտնել են, որ ֆուտբոլի ֆեդերացիան զբաղվում է ներդրողների ներգրավման աշխատանքներով:
«COVID-19-ի համաճարակի և 2020 թ. պատերազմի պատճառով գործընթացը մի փոքր երկարել է, սակայն ներկայումս նոր ներդրողների հետ բանակցություններ են ընթանում: Կառավարության հետ աշխատանքներ են տարվում մարզադաշտի կառուցման հնարավոր տեղանքի և հողահատկացման վերաբերյալ»,- նշել են պատասխանում:
Հայկ Մագոյան
