ՆԳ և ՏԿԵ փոխնախարարները քննարկել են երթևեկության կազմակերպման վերաբերյալ հարցեր

ՀՀ ՆԳ նախարարի տեղակալ-ոստիկանության պետ, ոստիկանության գեներալ-մայոր Արամ Հովհաննիսյանն ընդունել է տարածքային կառավարման և ենթակառուցվածքների նախարարի տեղակալ Քրիստինե Ղալեչյանին ու «Ճանապարհային դեպարտամենտ» հիմնադրամի տնօրեն Գոռ Ավետիսյանին։

Հանդիպմանը մասնակցել են Ճանապարհային ոստիկանության ղեկավարությունն ու տարածքային կառավարման և ենթակառուցվածքների նախարարության ներկայացուցիչներ։ Հանդիպման նպատակն էր միջպետական, հանրապետական և տեղական նշանակության ավտոճանապարհներին երթևեկության կազմակերպման վերաբերյալ առաջարկությունների քննարկումը։

Ճանապարհային ոստիկանության պետ, ոստիկանության գնդապետ Եգոր Կարապետյանը ներկայացրել է ճանապարհատրանսպորտային պատահարների վիճակագրությունը և դրանց կանխման վերաբերյալ առաջարկությունները։

Հայաստանի տարբեր մարզերում նախատեսվող երթևեկության կազմակերպման փոփոխություններին վերաբերող կոնկրետ օրինակների շուրջ ծավալվել է ակտիվ վերլուծություն, արվել են լրացուցիչ առաջարկություններ, որոնց շուտափույթ լուծումը պահանջում է շահագրգիռ կառույցների սերտ համագործակցություն։

Կողմերը քննարկել են նաև կստարվելիք փոփոխություններին առնչվող ինժեներական լուծումներին, ճանապարհային նշաններին, երթևեկության մասնակիցների անվտանգությանը վերաբերող հարցեր։ Արամ Հովհաննիսյանն ու Քրիստինե Ղալեչյանը պատրաստակամություն են հայտնել ավելի խորացնել կառուցողական համագործակցությունը, որը միտված է առկա խնդիրների արագ և արդյունավետ լուծմանը։

Նմանատիպ նյութեր

Այրվել է մոտ 250 հակ անասնակեր

Այսօր, 17:22

Մարտի 29-ին, ժամը 13:07-ին Արագածոտնի մարզային ճգնաժամային կառավարման կենտրոն ահազանգ է ստացվել, Հնաբերդ գյուղում այրվում է խոտի դեզ։

Քննարկվել է համայնքներից ստացված սուբվենցիոն ծրագրերի 55 հայտ

Այսօր, 17:10

Նիստի ընթացքում քննարկվել է համայնքներից ստացված սուբվենցիայի ծրագրային 55 հայտ: Քննարկվել են նաև ծրագրային հայտերի հետ կապված մի շարք հարցեր:

Մեծ վթար Կոմիտասի պողոտայի և Վրացական փողոցի խաչմերուկում

Այսօր, 17:01

Պարզվել է, որ բախվել են «Hyundai Sonata» (վարորդ՝ Ա․ Ա․ ծնված 1976 թ.) և «Mercedes-Benz E-550» (վարորդ՝ Ն․ Գ․ ծնված 2001 թ.) մակնիշների ավտոմեքենանները: