Հասարակություն
339 մլրդ դրամով ավելի եկամուտ. ՊԵԿ նախագահը վիճակագրական ցուցանիշներ է ներկայացրել (ՏԵՍԱՆՅՈՒԹ)
ՊԵԿ նախագահ Ռուստամ Բադասյանն ԱԺ տնտեսական հարցերի մշտական հանձնաժողովում տեղեկացրել է, որ 2022թ. պետբյուջեի եկամուտները կազմել են 1 տրլն 926 մլրդ․ դր․, ինչը 339 մլրդ-ով ավել է նախորդ տարվա ցուցանիշից։
«Վերադարձի գումարը կազմել է 263 մլրդ, որի մեջ մտնում է թե ԱԱՀ-ի, թե եկամտային հարկի, չնչին մասով՝ ակցիզային հարկի վերադարձը, ինչը 78 մլրդ դրամով ավելի է, քան նախորդ տարի»,- ասել է Բադասյանը։
Նա հիշեցրել է, որ ԱԱՀ գումարի վերադարձը կատարվում է ամսական կտրվածքով. «Այսքան գումար վերադարձվել է տնտեսություն, ինչը, բնականաբար, իր ազդեցությունն է ունեցել բիզնեսի կողմից հետագա ներդրումներն անելու մեջ»։ Ըստ Բադասյանի՝ դեկտեմբերի տվյալներն ամփոփելուց հետո ռեկորդային է եղել աշխատատեղերի թիվը՝ 704 հազար։
Բադասյանը նաև կարևորել է օրենսդրական փոփոխությունները, որոնք ուղղված են եղել բիզնեսի հարմարավետությանը։
