Վթարավտանգ ճանապարհահատվածներում կատարվում են անվտանգության և ենթակառուցվածքների բարելավման աշխատանքներ

Մի շարք ճանապարհահատվածներում իրականացվում են ճանապարհային անվտանգության և ենթակառուցվածքների բարելավման աշխատանքներ։ «Ճանապարհային դեպարտամենտ» հիմնադրամի Հայաստանի ճանապարհային անվտանգության բարելավման ծրագրի շրջանակներում «Արարատ ճանշին» ՍՊԸ-ի կողմից աշխատանքներ են տարվում Մ-16, Մ4-Ոսկեպար-Նոյեմբերյան-Մ6 ճանապարհի՝ Սարիգյուղ բնակավայրով անցնող հատվածում։ Կողային առուների մոտ անվտանգության բարելավման նպատակով տեղադրվում են անվահրիչներ, որոշ տեղամասերում՝ բազրիքներ։ Սարիգյուղից աշխատանքները կշարունակվեն մինչև Կիրանց։

Հաջորդիվ աշխատանքները կտեղափոխվեն Հ-30, Մ-4-Ճամբարակ-Դրախտիկ-Մ-14 ճանապարհի կմ13+030 - կմ37+122 հատված, որտեղ ճանապարհին հարակից ժայռերի քարերը սպառնում են ճանապարհային երթևեկության անվտանգությանը։ Շինարարի կողմից տվյալ հատվածում կկատարվի հարկադիր քարաթափում։ Իսկ Մ-4 միջպետական ճանապարհի Սևանի թերակղզու խաչմերուկում կիրականացվի նոր բաժանարար գոտի, կսահմանվեն արագացման-դանդաղեցման գոտիներ, ինչպես նաև կկառուցվի նոր շրջադարձ։

Նշենք, որ Հայաստանի ճանապարհային անվտանգության բարելավման ծրագիրը ֆինանսավորվում է Եվրոպական ներդրումային բանկի տրամադրած դրամաշնորհի միջոցով։

Նմանատիպ նյութեր

ՀՀ տարածքում կան փակ ավտոճանապարհներ

Այսօր, 0:00

Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։

Գլխավոր դատախազի տեղակալը ներկայացրել է բարեփոխումների օրակարգը

Երեկ, 23:47

ՀՀ գլխավոր դատախազի տեղակալ Անահիտ Մանասյանը դատախազության 105-ամյակի միջոցառումների շրջանակում այսօր հանդիպել է Եվրասիա միջազգային համալսարանի «Պատանի իրավաբանի դպրոցի» և Եվրասիա վարժարանի «Պատանի դիվանագետի դպրոցի» սաներին, պատասխանել նրանց հարցերին:

Վանաձորում այրված ավտոտնակում դի է հայտնաբերվել

Երեկ, 23:32

Մարտի 22-ին, ժամը 17:43-ին Լոռու մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Վանաձոր քաղաքի Ներսիսյան նրբանցքում գտնվող ավտոտնակում: