Առողջապահության նախարարը կոչ է անում կարմրուկի դեմ պատվաստվել
Հասարակություն
6 Մարտի, 19:20
ՀՀ առողջապահության նախարար Անահիտ Ավանեսյանը կոչ է արել կարմրուկի դեմ պատվաստվել։
«Թեև մեր երկրում կարմրուկի դեմ պատվաստման բարձր ծածկույթ կա, կան չպատվաստված կամ թերի պատվաստված անձինք, որոնք նպաստում են հիվանդության տարածմանը և բռնկումների պատճառ դառնում:
Սիրելի՛ ծնողներ, դեպքերի աճը կանխելու և ռիսկի խմբում գտնվողներին չվտանգելու համար անհրաժեշտ է ապահովել երեխայի պաշտպանությունը երկու դեղաչափ պատվաստմամբ`
առաջինը` մեկ տարեկանում
երկրորդը` 4-6 տարեկանում:
Այն մեծահասակները, ովքեր վստահ չեն, որ երկու դեղաչափ պատվաստում ունեն, ևս կարող են դիմել պոլիկլինիկա և պատվաստվել:
Իրավիճակը վերահսկվում է, այս պահին այլ սահմանափակումների կարիք չկա»,- ֆեյսբուքի իր էջում գրել է Ավանեսյանը:
