Հասարակություն
Բացահայտվել են ապօրինի ձեռնարկատիրական գործունեությամբ զբաղվելու դեպքեր
Փետրվարի 15-ից 28-ն ընկած ժամանակահատվածում հարկային իրավախախտումների կանխման, խափանման և բացահայտման ուղղությամբ իրականացված համալիր օպերատիվ-հետախուզական միջոցառումների արդյունքները․ ՊԵԿ հետաքննության և օպերատիվ հետախուզության վարչություն
Արձանագրվել են առանց համապատասխան հաշվարկային փաստաթղթեր դուրս գրելու` ընդհանուր 15,580,774 ՀՀ դրամի ՀՀ հարկային օրենսգրքի պահանջների խախտումով ապրանքների տեղափոխման կամ մատակարարման դեպքեր: Հնարավոր տուգանքի գումարը կազմում է 16,043,357 ՀՀ դրամ:
Կազմվել են ապօրինի ձեռնարկատիրական գործունեությամբ զբաղվելու վերաբերյալ արձանագրություններ․ ապօրինի ձեռնարկատիրական եկամտի չափը կազմել է 69,662,454 ՀՀ դրամ: Հնարավոր տուգանքի գումարը կազմում է 35,880,227 ՀՀ դրամ:
Արձանագրվել է լիցենզավորման կամ ծանուցման ենթակա գործունեությունն առանց լիցենզիայի կամ առանց ծանուցման իրականացնելու կամ առանց թույլտվության կամ առանց լիցենզիայի ընդերքը կամ բնական պաշարներն օգտագործելու խախտում։ Արձանագրված խախտման գումարը կազմում է 1,000,000 ՀՀ դրամ։
