Հովիկ Աղազարյանի և կարտոֆիլ վաճառող քաղաքացու միջադեպի առիթով քրեական վարույթ է հարուցվել

Այսօր միջադեպ է տեղի ունեցել ԱԺ «Քաղաքացիական պայմանագիր» խմբակցության պատգամավոր Հովիկ Աղազարյանի և Տիգրանյան փողոցում կարտոֆիլ վաճառող քաղաքացու միջև։

Radar Armenia-ի հետ զրույցում Աղազարյանը տեղի ունեցածից որոշ մանրամասներ ներկայացրեց։ Պատգամավորի խոսքով՝ քաղաքացին իր մեքենայով փակել է երթևեկելի մասի մի հատվածն ու առևտուր արել․ «Ես նրան ասեցի, որ կարող է ընդամենը 3 մետր այն կողմ առևտուր անել՝ ճանապարհից դուրս։ Հարցրեցի՝ ինչու չեք այնտեղ անում։ Հենց այդպես էլ սկսվեց»,- պատմեց պատգամավորը՝ հավելելով, որ ոչ թե ինքն է դիմել ոստիկանություն, այլ ոստիկաններն են տեսել և մոտեցել։

Հովիկ Աղազարյանը նաև նշեց, որ հայտարարություն է տվել կատարվածի առնչությամբ. «Դեռ ցուցմունք չեմ տվել։ Երևի կհրավիրեն ցուցմունք տալու»։

ՀՀ ներքին գործերի նախարարությունից Radar Armenia-ին հայտնեցին, որ հաղորդումն ու կազմված փաստաթղթերն ուղարկվել են Քննչական կոմիտե։

ՔԿ-ից էլ փոխանցեցին, որ պատգամավորից հաղորդում է ստացվել միջադեպի վերաբերյալ, նախաձեռնվել է քրեական վարույթ քրեական օրենսգրքի 297-րդ հոդվածի 1-ին մասի հատկանիշներով։ Պատգամավորը ճանաչվել է տուժող, մեկ անձ ձերբակալվել է։ Դեպքի ամբողջական հանգամանքները կպարզվեն քննությամբ։

Հայկ Մագոյան

Նմանատիպ նյութեր

Լարսը փակ է բոլոր տեսակի տրանսպորտային միջոցների համար

Այսօր, 0:25

Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ:

Վահան Քերոբյանն այցելել է Mundfish-ի հայաստանյան գրասենյակ

Երեկ, 22:25

Կիպրոսում հիմնված ստուդիան հայտնի է իր թողարկած Atomic Heart անվանումով եզակի և կրեատիվ համակարգչային խաղով, որի հերոսներից են արհեստական բանականությամբ ռոբոտները։

Աբովյան պուրակի մոտ ավտոմեքենայում հրդեհ է բռնկվել․ կա տուժած

Երեկ, 21:57

Մինչ փրկարարների կանչի վայր հասնելը՝ Ռ․ Ա․-ն դեմքի և ձեռքի շրջանում ստացած այրվածքներով հոսպիտալացվել է «Հերացի» թիվ 1 հիվանդանոցային համալիր։ Բժիշկները տուժածի առողջական վիճակը գնահատել են բավարար։