Կխթանվի ՀՀ և ՌԴ միջեւ տեղեկատվական անվտանգության ապահովման ոլորտում համագործակցությունը

Համաձայնագրի նպատակը Հայաստանի և Ռուսաստանի Դաշնության իրավասու մարմինների միջև տեղեկատվական անվտանգության ապահովման ոլորտում համագործակցության խթանումն է: Այս մասին ասել է ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը` Պաշտպանության և անվտանգության հարցերի մշտական հանձնաժողովի` փետրվարի 27-ի նիստում ներկայացնելով ««ՀՀ կառավարության և ՌԴ կառավարության միջև տեղեկատվական անվտանգության ապահովման բնագավառում համագործակցության մասին» համաձայնագիրը վավերացնելու մասին» օրենքի նախագիծը:

Համաձայնագրի կիրարկմամբ նախատեսվում է նպաստել տեղեկատվական անվտանգության ապահովման ոլորտում Հայաստանի Հանրապետության և Ռուսաստանի Դաշնության միջև փոխգործակցության ընդլայնմանը, ներառյալ` սպառնալիքների վերաբերյալ տեղեկատվության փոխանակման և դրանց համատեղ դիմակայման, օրենսդրական դաշտի վերաբերյալ տեղեկատվության փոխանակման ուղղությունները:

Գևորգ Մանթաշյանի ներկայացմամբ կողմերը տեղեկատվական անվտանգության ապահովման բնագավառում համագործակցություն են իրականացնում մի շարք ուղղություններով: Մասնավորապես, կարևորվել է տեղեկատվական անվտանգության ապահովման բնագավառի սպառնալիքներին հակազդման համակարգումը, իրավապահ ոլորտում տեղեկատվության փոխանակումը, տեղեկատվական անվտանգության ապահովմանը նպաստող վստահության անհրաժեշտ միջոցառումների համաձայնեցումը և իրականացումը, երկու պետությունների օրենսդրության վերաբերյալ տեղեկատվության փոխանակումը:

Հարակից զեկուցող Արմեն Խաչատրյանը, տեղեկացնելով, որ համաձայնագիրը ստորագրվել է 2022 թվականի ապրիլի 19-ին, առաջարկել է դրական եզրակացություն տալ նախագծին:

Նախագիծը ստացել է դրական եզրակացություն. տեղեկացնում է ԱԺ կայքը։

Նմանատիպ նյութեր

Քննարկվել է համայնքներից ստացված սուբվենցիոն ծրագրերի 55 հայտ

Այսօր, 17:10

Նիստի ընթացքում քննարկվել է համայնքներից ստացված սուբվենցիայի ծրագրային 55 հայտ: Քննարկվել են նաև ծրագրային հայտերի հետ կապված մի շարք հարցեր:

Մեծ վթար Կոմիտասի պողոտայի և Վրացական փողոցի խաչմերուկում

Այսօր, 17:01

Պարզվել է, որ բախվել են «Hyundai Sonata» (վարորդ՝ Ա․ Ա․ ծնված 1976 թ.) և «Mercedes-Benz E-550» (վարորդ՝ Ն․ Գ․ ծնված 2001 թ.) մակնիշների ավտոմեքենանները:

Լատվիայի գործընկերներն ԱԽ քարտուղարի հետ հանդիպմանը պատրաստակամություն են հայտնել աջակցել ԵՄ առաքելությունն ամրապնդելու հարցում

Այսօր, 16:54

Լատվիայի գործընկերները Հայաստանին անվտանգային հարցերում աջակցելու և ԵՄ առաքելությունն ամրապնդելու հարցում իրենց պատրաստակամությունն են հայտնել: