Սմբատ Գրիգորյանը նշանակվել է ԶՈՒ ԳՇ անձնակազմի կառավարման գլխավոր վարչության պետ
Հասարակություն
17 Փետրվարի, 17:15
ՀՀ նախագահ Վահագն Խաչատուրյանի փետրվարի 17-ի հրամանագրով՝ Սմբատ Գրիգորյանը նշանակվել է Զինված ուժերի գլխավոր շտաբի անձնակազմի կառավարման գլխավոր վարչության պետ և ազատվել 5-րդ բանակային կորպուսի հրամանատարի պաշտոնից:
«Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 35.1-ին հոդվածի 1-ին մասի և 36-րդ հոդվածի 1-ին մասի 1-ին կետի.
Սմբատ ԳՐԻԳՈՐՅԱՆԻՆ նշանակել Հայաստանի Հանրապետության զինված ուժերի գլխավոր շտաբի անձնակազմի կառավարման գլխավոր վարչության պետ՝ ազատելով նրան 5-րդ բանակային կորպուսի հրամանատարի պաշտոնից»,- ասվում է ՀՀ նախագահի հրամանագրում։
Հիշեցնենք, որ նախագահի մեկ էլ հրամանագրով Ալբերտ Բաղդասրյանը ազատվել էր Հայաստանի Հանրապետության զինված ուժերի գլխավոր շտաբի անձնակազմի կառավարման գլխավոր վարչության պետի պաշտոնից։
Հետևեք մեզ Telegram-ում
