Արմավիրում թմրանյութ իրացրած անձինք կալանավորվել են

Հասարակություն

16 Փետրվարի, 14:26

Արմավիրի մարզային վարչության քրեական հետախույզները ապօրինի թմրաշրջանառության վերաբերյալ տեղեկություններ էին ստացել, որոնք իրացրին Արմավիրի բաժնի գործընկերների հետ։ Համատեղ աշխատանքի արդյունքում նրանք Արմավիրի Արարատյան փողոցում ձերբակալել են 23-ամյա մի երիտասարդի։ Նրա խուզարկությամբ հայտնաբերվել են կաթուցիչներ՝ լցված դեղնականաչավուն զանգվածով։

Ըստ արմավիրցու՝ հայտնաբերվածը մարիխուանա է։ Իրավապահների ձեռնարկած միջոցառումներով պարզվել է, որ երիտասարդը 4 փաթեթ թմրամիջոց էր գնել մի համաքաղաքացուց։ Նա Արմավիրի Ջիվանու փողոցում հայտնաբերվեց ու ձերբակալվեց։ 59-ամյա տղամարդու մոտ կաթուցիչ ու 17 գրամից ավելի մարիխուանա և հաշիշ կային, տան խուզարկությամբ էլ հայտնաբերվեց մարիխուանայի նմանվող զանգված։

Հետագա միջոցառումներով պարզվեց, որ նա էլ, իրացնելու նպատակով, թմրամիջոցը գնել էր Արմավիրի Ալաշկերտ գյուղի մի բնակչից։ 60-ամյա ալաշկերտցին ևս հայտնաբերվեց ու ձերբակալվեց։ Նրա տնամերձ հողամասում հայտնաբերվեցին շուրջ 7 կգ կանեփի չորացված բույսեր, իսկ թոնրատանը՝ կաթուցիչ։ Նախաձեռնվել է քրեական վարույթ։ 59 և 60 տարեկան տղամարդիկ կալանավորվել են։Նշանակվել են փորձաքննություններ։

Հետևեք մեզ Telegram-ում

Նմանատիպ նյութեր

Ձյուն, մերկասառույց, մառախուղ․ իրավիճակը ՀՀ ավտոճանապարհներին

Այսօր, 0:00

Սյունիքի մարզի բարձրադիր գոտիներում, «Մեղրու սար» կոչվող հատվածում, Քուչակ-Հարթավան ավտոճանապարհին, Աբովյան և Եղվարդ քաղաքներում մառախուղ է:

«44-օրյա պատերազմի ընթացքում ունեցել ենք 11 000 դասալիք»․ Աննա Հակոբյան

Երեկ, 23:28

Աննա Հակոբյանն անդրադարձել է նաև 44-օրյա պատերազմին և նշել, որ պատերազմի ընթացքում ունեցել ենք 11 000 դասալիք։

Ինչու՞ է փոխվել բենզինի և հեղուկ գազի գինը

Երեկ, 20:36

Տնտեսագետի կարծիքով՝ չի կարելի ասել, որ հեղուկ գազի շուկայում գնաճ կա, քանի որ հեղուկ գազի գինը տատանվում է 110-130 դրամի միջակայքում և նշում է, որ գնային տատանումը կարող է պայմանավորված լինել անցած շաբաթ Լարսում առաջացած խնդիրների հետ, որի հետևանքով կարող է ինչ որ խմբաքանակ ուշանար։