Սյունիքում 4խմ ապօրինի փայտանյութ է հայտնաբերվել

Հասարակություն

16 Փետրվարի, 14:13

Ոստիկանության Սյունիքի մարզային վարչության տարածքային ստորաբաժանումների ծառայողները բացահայտել են ապօրինի ծառահատման դեպքեր։

Գորիսի պարեկապահակետային ծառայության դասակի ոստիկանները ստուգել են փայտանյութով բարձված 2 թեթև մարդատար մեքենա՝ հայտնաբերելով ընդհանուր 2 խմ փայտանյութ։ Վարորդները բեռի օրինականության վերաբերյալ համապատասխան փաստաթուղթ չեն ներկայացրել։ Ընդ որում, մեքենաները եղել են առանց ԱՊՊԱ պայմանագրի և տեխզննման, վարորդներից մեկն էլ չի ունեցել վարորդական իրավունքի վկայական։

Կապանի համայնքային ոստիկաններն էլ ստուգել են «Ֆորդ» մակնիշի բեռնատար՝ հայտնաբերելով մոտ 4 խորանարդ մետր փայտանյութ, ինչի կապակցությամբ վարորդը ներկայացրել է ժամկետանց փաստաթուղթ։ Երեք դեպքով էլ նախաձեռնվել է քրեական վարույթ։

Հետևեք մեզ Telegram-ում

Նմանատիպ նյութեր

Վահան Քերոբյանն այցելել է Mundfish-ի հայաստանյան գրասենյակ

Երեկ, 22:25

Կիպրոսում հիմնված ստուդիան հայտնի է իր թողարկած Atomic Heart անվանումով եզակի և կրեատիվ համակարգչային խաղով, որի հերոսներից են արհեստական բանականությամբ ռոբոտները։

Աբովյան պուրակի մոտ ավտոմեքենայում հրդեհ է բռնկվել․ կա տուժած

Երեկ, 21:57

Մինչ փրկարարների կանչի վայր հասնելը՝ Ռ․ Ա․-ն դեմքի և ձեռքի շրջանում ստացած այրվածքներով հոսպիտալացվել է «Հերացի» թիվ 1 հիվանդանոցային համալիր։ Բժիշկները տուժածի առողջական վիճակը գնահատել են բավարար։

Էդվարդ Ասրյանը պարգևատրել է առավել աչքի ընկած պահեստազորայիններին

Երեկ, 20:22

Նոր ձևաչափով անցկացվող վարժական հավաքների առաջին հոսքի պահեստազորայինները մարտի 25-ին ավարտել են իրենց 25-օրյա հավաքները։ Այդ կապակցությամբ ՀՀ ՊՆ զորամիավորումներից մեկում անցկացվել է հանդիսավոր միջոցառում։