Թռչնամսի շրջանառության ոլորտում օրենսդրական փոփոխություններ կարվեն. ՄՊՀ-ում քննարկվել են անբարեխիղճ մրցակցության հարցեր

Նախօրեին տեղի է ունեցել Մրցակցության պաշտպանության հանձնաժողովին կից հասարակական խորհրդի հերթական նիստը, որը վարում էր ՄՊՀ նախագահ Գեղամ Գևորգյանը:

Նիստի օրակարգում քննարկվել են անբարեխիղճ մրցակցության ոլորտում հանձնաժողովի կողմից իրականացված միջոցառումները: Մասնավորապես անդրադարձ է կատարվել կաթնամթերքի և թռչնամսի շրջանառության ոլորտներում, ինչպես նաև ակցիաների, այդ թվում՝ զեղչերի առնչությամբ անբարեխիղճ մրցակցության դրսևորումների բացահայտման ուղղությամբ իրականացված վերահսկողության արդյունքներին և դրանց կանխարգելման հետ կապված հարցերին:

Խորհրդի անդամները ներկայացրել են իրենց դիտարկումներն ու առաջարկները նշված ոլորտներում մրցակցային խնդիրների կարգավորման առնչությամբ: Այդ թվում՝ բարձրացվել է թռչնամսի շրջանառության ոլորտում տնտեսավարողների կողմից անբարեխիղճ մրցակցության դրսևորումների կանխարգելման նպատակով օրենսդրական կարգավորումների, մասնավորապես մանրածախ վաճառքում չփաթեթավորված թռչնամսի մակնշման պարտադիր պահանջի սահմանման հարցը: Կարևորվել է նաև օրենսդրության կիրարկման արդյունքների վերաբերյալ հանրային իրազեկումը:

Հաշվի առնելով հնչած տեսակետները՝ ՄՊՀ նախագահը նշել է, որ թռչնամսի շրջանառության ոլորտում օրենսդրական փոփոխությունների իրականացմանն ուղղված իրավական ակտի նախագիծը կտրամադրվի խորհրդի անդամներին՝ առաջարկություններ ու դիտողություններ ներկայացնելու և դրա հետագա աշխատանքները կազմակերպելու նպատակով:

Նմանատիպ նյութեր

Ձյուն, մերկասառույց, մառախուղ․ իրավիճակը ՀՀ ավտոճանապարհներին

Այսօր, 0:00

Դիլիջանի ոլորաններում, Սյունիքի մարզում (բացի Մեղրի քաղաքից), Արարատի, Գեղարքունիքի մարզերում, Ապարանի, Թալինի տարածաշրջաններում, Աշտարակ, Վանաձոր, Բերդ, Նոյեմբերյան քաղաքներում, Սիսիան-«Զանգեր» հատվածում, Վարդենյաց լեռնանցքում տեղում է ձյուն։

Ժաննա Անդրեասյանը և ՀՀ-ում Ֆրանսիայի դեսպանն այցելել են Գյումրու համար 1 դպրոց

Երեկ, 23:43

Կարևորելով ֆրանսերենն ու ֆրանկոֆոն մշակույթների արժեքները՝ «Ֆրանկոֆոնիայի օրեր 2023»-ի շրջանակներում անցկացվելու է ավելի քան քսան միջոցառում Երևանում և մարզերում։

Ոչ սթափ վարորդի մոտ ատրճանակներ ու փամփուշտներ են հայտնաբերվել

Երեկ, 22:58

Արագածոտնի պարեկները ստուգել են նաև վարորդի սթափությունը։ Պարզվել է, որ նա ոչ սթափ վիճակում է։ Աղձք գյուղի 41-ամյա բնակիչը ձերբակալվել է։