Ինտերպոլի կողմից 2018-ից մի շարք հանցագործությունների մեղադրանքով հետախուզվողը հայտնաբերվել է օդանավակայանում
Հասարակություն
24 Հունվարի, 14:10
Ոստիկանության «Զվարթնոց» օդանավակայանի գծային բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ հունվարի 23-ին, ժամը 07.00-ին, Վիեննա-Երևան չվերթի ինքնաթիռի ժամանումից հետո օդանավակայանում հայտնաբերվել, ձերբակալվել և գծային բաժին է տարվել է 30-ամյա Մոջթաբա Խ.-ն:
Նա 2018 թ. մարտի 4-ից Իրանի Իսլամական Հանրապետության Ինտերպոլի կողմից հետախուզվում էր վանդալիզմի, խուլիգանության, գողության և ընտանեկան բռնության մեղադրանքով:
Խափանման միջոցը՝ կալանք:
Հայտնաբերման մասին հայտնվել է ՀՀ ոստիկանության Ինտերպոլի ԱԿԲ:
Հետևեք մեզ Telegram-ում
