Քաղաքացիները ապօրինի պահվող զենք-զինամթերք են հանձնել ոստիկաններին

Ոստիկանության տարածքային ստորաբաժանումների ծառայողները շարունակում են ամենօրյա ակտիվ բացատրական աշխատանքը բնակչության մոտ ապօրինի պահվող զենք-զինամթերքի կամավոր հանձնման, նաև հայտնաբերման ու առգրավման ուղղությամբ։ Մասնավորապես, Ճամբարակի բաժնի քրեական հետախույզներն ու թույլտվության համակարգի ծառայողները Ջիլ գյուղի տներից մեկում հայտնաբերել են տարբեր հրազենների և տրամաչափի մի քանի տասնյակ փամփուշտներ։

Բացի այդ, իրականացրել են նաև բացատրական աշխատանք, ինչի շնորհիվ արձանագրվել է ինքնաշեն ատրճանակի, ակոսափող հրացանի և ռազմամթերքի կամավոր հանձնման երկու դեպք։ Մարտունու բաժնի քրեական հետախույզների բացատրական աշխատանքի շնորհիվ էլ Մարտունու բնակիչներից մեկը կամավոր հանձնել է «Կալաշնիկովի» ինքնաձիգ ու ռազմամթերք։

Արդյունավետ էր նաև Վաղարշապատի քրեական հետախույզների բացատրական աշխատանքը, ինչի շնորհիվ բաժնում արձանագրվել են «Կալաշմիկովի» ինքնաձիգի, ատրճանակի, հրացանի և ռազմամթերքի, այդ թվում՝ նռնակի, կամավոր հանձնման դեպքեր։ Ապօրինի պահվող «Կալաշնիկովի» ինքնաձիգի կամավոր հանձնման դեպք է արձանագրվել նաև ոստիկանության Արմավիրի բաժնում։ Հրացանի և ռազմամթերքի կամավոր հանձնում էլ արձանագրվել է Բաղրամյանի բաժնում՝ շնորհիվ բաժնի քրեական հետախույզների բացատրական աշխատանքի։

Բացատրական աշխատանք են իրականացրել նաև ոստիկանության Արտաշատի և Մասիսի բաժինների ծառայողները. երկու բաժնում էլ արձանագրվել են «Կալաշնիկովի» ինքնաձիգների և տարբեր տեսակի ռազմամթերքի կամավոր հանձնման դեպքեր։

Մեղրիի ոստիկանների բացատրական աշխատանքի շնորհիվ էլ Ագարակ քաղաքի բնակիչներից մեկը կամավոր հանձնել է «Մոսին» հրացան։ Կրկին հորդորում ենք ապօրինի զենք-զինամթերքը կամավոր հանձնել ոստիկանություն՝ քրեական պատասխանատվությունից խուսափելու համար։ 

Նմանատիպ նյութեր

Լիտվացի պատգամավորներն այցելել են Երասխ

Երեկ, 22:49

Դիտորդները հյուրերին ուղեկցել են այն հատված, որտեղ նախատեսված էր կառուցել հայ-ամերիկյան ներդրմամբ մետաղաձուլական գործարանը:

Գավառը հռչակվել է 2024թ. երիտասարդական մայրաքաղաք

Երեկ, 22:22

ՀՀ կրթության, գիտության, մշակույթի և սպորտի նախարարությունում ամփոփվել են «Հայաստանի Հանրապետության 2024 թվականի երիտասարդական մայրաքաղաք» մրցույթի արդյունքները:

Երևան-Սևան ավտոճանապարհին բախվել են «Range Rover»-ն ու «Volkswagen»-ը. կան տուժածներ

Երեկ, 21:53

Փրկարարները Ա. Ե.-ին (ծնված 1996 թ․) և Ա. Ե.-ին (ծնված 2000 թ.) մոտեցրել են շտապօգնության ավտոմեքենային, ովքեր հոսպիտալացվել են բժշկական կենտրոն, որտեղ բժիշկները տուժածների առողջական վիճակը գնահատել են ծայրահեղ ծանր։