Ուրբաթ, 3 Փետրվարի 2023

USD394.25

EUR422.81

RUB5.38

Երևան -6 ℃

Рус Eng

3 օրում արձանագրվել է 30 ՃՏՊ, 1 մարդ զոհվել է, 42-ը ստացել մարմնական վնասվածքներ

Հասարակություն

16 Հունվարի, 10:32

Ըստ ոստիկանության օպերատիվ հաղորդագրությունների ամփոփագրերի՝ հունվարի 13-ից 16-ը Հայաստանի Հանրապետության ոստիկանության ստորաբաժանումները բացահայտել են հանցագործության 116 դեպք, որից 7-ը՝ նախկինում կատարված։

Մասնավորապես՝ թմրամիջոցի հայտնաբերման՝ 26, անձնական ունեցվածքի գողության` 20, ընտանեկան բռնության՝ 12, խարդախության՝ 10, մարմնական վնասվածք պատճառելու՝ 8, զենք-զինամթերքի առգրավման՝ 5, գույքը դիտավորությամբ վնասելու, խուլիգանության և ապօրինի ծառահատման՝ 2-ական, ավտոմեքենա փախցնելու, պաշտոնեական կեղծիքի կամ անփութության, պաշտոնեական լիազորությունների չարաշահման, կաշառակերության, իշխանության ներկայացուցչի նկատմամբ բռնության, ֆիզիկական ներգործության, բնակարանի անձեռնմխելիությունը խախտելու, խոշտանգման, սուտ մատնության, ինքնիրավչության, աշխատանքի անվտանգության կանոնները խախտելու, բուժաշխատողի կողմից մասնագիտական պարտականությունները չկատարելու կամ ոչ պատշաճ կատարելու և վստահված գույքը հափշտակելու՝ 1-ական դեպք։

Հայտնաբերվել է 15 հետախուզվող: Կամավոր ներկայացել է 2 հետախուզվող։

Գրանցվել է զենք-զինամթերքի կամավոր հանձնման 6 դեպք։

Նախկինում կատարված հանցագործություններից բացահայտվել է անձնական ունեցվածքի գողության՝ 5, մարմնական վնասվածք պատճառելու և բնակարանային գողության 1-ական դեպք։

Անցած 3 օրվա ընթացքում հանրապետությունում արձանագրվել է ճանապարհատրանսպորտային 30 պատահար. 1 մարդ զոհվել է, 42-ը՝ ստացել տարբեր աստիճանի մարմնական վնասվածքներ:

Հետևեք մեզ Telegram-ում
Արտակ Խաչատրյան

Իսկ արդյո՞ք ռուս խաղաղապահները պաշտպանության կարիք ունեն, այն էլ՝ նման կերպ

Արտակ Խաչատրյան

Ի՞նչ էր անում Շավարշ Քոչարյանը նախքան պատերազմը