Երկուշաբթի, 5 Դեկտեմբերի 2022

USD394.69

EUR409.81

RUB6.02

Երևան 1 ℃

Рус Eng

Աշտարակում բացվել է աշխարհի 636-րդ «Արմաթ» լաբորատորիան

Հասարակություն

18 Նոյեմբերի, 22:40

Աշտարակ խոշորացված համայնքի հանրակրթական դպրոցների աշակերտներն իրենց ինժեներական մտածողությունը զարգացնելու ևս մեկ նպաստավոր հարթակ ունեն․ Աշտարակի Վարդգես Պետրոսյանի անվան հիմնական դպրոցում այսօր հանդիսավորությամբ բացվել է «Արմաթ» ինժիներական լաբորատորիա, աշխարհի «Արմաթների» շարքում՝ 636-րդը։ Նախաձեռնությունը կյանքի է կոչվել Արագածոտնի մարզպետարանի ֆինանսական աջակցութամբ։

Միջոցառմանը ներկա էին Արագածոտնի մարզպետ Սերգեյ Մովսիսյանը, մարզպետարանի ղեկավար կազմը, «Արմաթ» ինժեներական լաբորատորիաների ծրագրի ղեկավար Սեդրակ Վարդանյանը, մարզային պատասխանատու Եղիշե Ամիրյանը, դպրոցների տնօրեններ, ուսուցիչներ ու աշակերտներ։

«Արմաթի» կարմիր ժապավենը կտրել են աշակերտները, այնուհետև շնորհավորական խոսք է ասել մարզպետ Սերգեյ Մովսիսյանը։ Ընդգծելով, որ մեր օրերում ՏՏ ոլորտի դերը չափազանց կարևոր է, նա աշակերտներին հորդորել է ակտիվորեն ընդգրկվել լաբորատորիայի խմբակում, զարգացնել ինժեներական մտածողություն, ինչը կօգնի դառալ ՏՏ ոլորտի մրցունակ մասնագետ։

«Ուրախալի է, որ Արագածոտնի դպրոցներում «Արմաթ» լաբորատորիաների թիվն աճում է։ 21-րդ դարում աշակերտների ՏՏ ոլորտի իմացությունը չափազանց կարևոր է։ Ուզում եմ նշել նաև, որ որոշ դպրոցներում այս լաբորատորիաների գործունեության արդյունքում լուրջ հաջողություններ ենք արձանագրել, օրինակ, «Արմաթն օդում» ծրագրի շրջանակում թալինցի աշակերտներն ստեղծել են անօդաչու թռչող սարքեր, լիահույս եմ, որ Աշտարակում ևս մենք «Արմաթի» սաների աշխատանքով հպարտանալու առիթներ ենք ունենալու»,- ասել է Սերգեյ Մովսիսյանը։

Շնորհավորական ելույթներից հետո մարզպետն ու մարզպետարանի ներկայացուցիչները ծանոթացել են դպրոցի նորաթուխ լաբորատորիայի աշակերտների ստեղծած առաջին ծրագրերին ու խաղերին։

Արման Գալոյան

Հարսները պատրաստ են նստել, իսկ Սաղաթելյանը՝ վազել

Արման Գալոյան

Ականատես կլինե՞նք նոր տեսարանների. ընդդիմությունը գլխահակ վերադառնում է խորհրդարան