Երկուշաբթի, 5 Դեկտեմբերի 2022

USD394.81

EUR410.36

RUB6.04

Երևան 3 ℃

Рус Eng

Ռազմաբժշկական ծառայության մի խումբ զինծառայողներ պարգևատրվել են գերատեսչական մեդալներով

Հասարակություն

17 Նոյեմբերի, 20:56

Նոյեմբերի 17-ին ՀՀ ՊՆ վարչական համալիրում հանդիսավորությամբ նշվել է ռազմաբժշկական ծառայության կազմավորման 30-րդ տարեդարձն ու բուժծառայողի օրը: Հանդիսավոր միջոցառմանը ներկա էին ԶՈւ ԳՇ պետ, պաշտպանության նախարարի առաջին տեղակալ, գեներալ-մայոր Էդվարդ Ասրյանը, պաշտպանության նախարարի տեղակալ Արման Սարգսյանը, բարձրաստիճան այլ պաշտոնյաներ, ինչպես նաև բժշկական հաստատությունների ներկայացուցիչներ։

Ողջունելով և շնորհավորելով ներկաներին՝ Էդվարդ Ասրյանը բարձր է գնահատել ռազմաբժշկական ծառայության դերն ու նշանակությունը՝ ԶՈւ մարտունակության ամրապնդման գործում։ Պաշտպանության նախարարի տեղակալ Արման Սարգսյանն էլ բուժծառայողներին մաղթել է, որ մասնագիտական իրենց գիտելիքները ծառայեցնեն միայն խաղաղ պայմաններում։ Մասնագիտական տոնի առթիվ համածառայակիցներին շնորհավորել է նաև ԶՈՒ Ռազմաբժշկական վարչության պետ Գեղամ Փաշիկյանը, ով ամփոփ ներկայացրել է բուժծառայողների կատարած հսկայական աշխատանքը՝ 44-օրյա պատերազմի և սեպտեմբերյան մարտական գործողությունների ընթացքում։

Միջոցառման ավարտին ռազմաբժշկական ծառայության մի խումբ զինծառայողներ, ինչպես նաև քաղաքացիական բուժհիմնարկների ներկայացուցիչներ պաշտպանության նախարար Սուրեն Պապիկյանի հրամանով պարգևատրվել են գերատեսչական մեդալներով, պատվոգրերով և արժեքավոր նվերներով։
 

Արման Գալոյան

Հարսները պատրաստ են նստել, իսկ Սաղաթելյանը՝ վազել

Արման Գալոյան

Ականատես կլինե՞նք նոր տեսարանների. ընդդիմությունը գլխահակ վերադառնում է խորհրդարան