ՀՀ կառավարության նիստում Արտակարգ իրավիճակների նախարար Արմեն Փամբուխչյանը ներկայացրել ադրբեջանական ագրեսիայի հետևանքով հասցված վնասները։ Նախարարը տեղեկացրել է, որ ագրեսիայի հետևանքով տուժել է Կեչուտի ջրամբարը, որտեղ ընկել է երկու արկ։ Վայոց ձորի մարզում տուժել են հյուրատներ, առողջարաններ, փրկարար ծառայության հրշեջ փրկարարական ջոկատի շենքը,անձնական օգտագործման մեքենաներ և այլ գույք։
Ըստ նախարարի՝ Սյունիքի մարզի մի շարք բնակավայրերում ունենք էլեկտրամատակարարման գծերի խափանումներ, վնասվել են ցորենի արտեր։ Սոթքում վնասվել է 55-60 տուն. «Ունենք նաև Շտապ օգնության մեքենաներ, որոնք հրետակոծության հետևանքով վնասվել են կրկին Սյունիքի մարզում»։
Փաշինյաննը հանձնարարել է գույքագրել հասցված խնդիրները՝ լիարժեք վերականգնողական աշխզտանքների նպատակով համապատասխան միջոցներ տրամադրելու համար. «Եւ մասնավոր անձանց, և համայնքներին, և ընկերություններին պետք է աջակցել, որ նրանց կրած վնասները վերականգնվեն»։
ՀՀ ՄԻՊ Քրիստինե Գրիգորյանը նշել է, որ Ադրբեջանը թիրախավորել է հենց քաղաքացիական բնակչությունը. «Մենք արձանագրել ենք 1 քաղաքացիական անձի մահ, որը վրա է հասել բեկորային վնասվածքից: Կա 6 քաղաքացիական վիրավոր»: