Երկուշաբթի, 26 Սեպտեմբերի 2022

USD409.41

EUR393.68

RUB6.53

Երևան 20 ℃

Рус Eng

«Մինչ մենք քննարկում ենք՝ ինչպես առաջ շարժվել, հայերը պայքարում են իրենց կյանքի համար»․ Նանուշյանը՝ ԱՀԿ ամբիոնից

Հասարակություն

13 Սեպտեմբերի, 19:12

«Մինչ մենք քննարկում ենք, թե ինչպես առաջ շարժվել՝ հաղթահարելու առողջապահության առջև ծառացած մարտահրավերները, հայ զինվորներն ու քաղաքացիական անձինք պայքարում են հայ ժողովրդի և իրենց կյանքի համար»: Ադրբեջանի սանձազերծած ոտնձգություններին է անդրադարձել առողջապահության նախարարի առաջին տեղակալ Լենա Նանուշյանը` ԱՀԿ Եվրոպական տարածաշրջանային կոմիտեի ամբիոնից:

Նախարարի առաջին տեղակալն իր խոսքում մասնավորապես նշել է.

«Հարգելի՛ գործընկերներ, նախքան քննարկվող բուն թեմային անդրադառնալը, ուզում եմ բարձրաձայնել, որ այսօր կեսգիշերին Ադրբեջանը հայ-ադրբեջանական սահմանի արևելյան հատվածից մի քանի ուղղություններով ձեռնարկել է լայնածավալ ռազմական հարձակում։ Ադրբեջանական զինուժը սկսել է ինտենսիվ հրետակոծել Հայաստանի քաղաքներն ու գյուղերը։ Հրետակոծություններն ուղղված են քաղաքացիական անձանց և քաղաքացիական ենթակառուցվածքների, ներառյալ` առողջապահական ծառայությունների դեմ: Ռազմական հարձակման հետևանքով հայկական կողմն ունի 49 զոհ։

Հայաստանի ինքնիշխան տարածքի դեմ վերջին չպատճառաբանված և չարդարացված ագրեսիան Ադրբեջանի կողմից ՄԱԿ-ի կանոնադրության և այլ միջազգային ակտերի հերթական կոպտագույն խախտումն է։ Ադրբեջանի միակողմանի գործողություններն իրական սպառնալիք են միջազգային խաղաղության ու անվտանգության համար և արժանի են միջազգային հանրության կտրուկ և ժամանակին արձագանքին»,-նշել է Լենա Նանուշյանը:

Արման Գալոյան

Նրանց պետք է իշխանություն, թեկուզ՝ առանց պետության

Գոռ Մադոյան

Հավանական դաշնակցին սպասելիս կամ «զենքս գաղտնի թող մնա»