Հասարակություն
Սպասվում է առանց տեղումների եղանակ, օդի ջերմաստիճանը կբարձրանա
Հանրապետության տարածքում օգոստոսի 30-31-ը, սեպտեմբերի 1-3-ն սպասվում է առանց տեղումների եղանակ: Քամին հարավարևմտյան է` 2-5 մ/վ: Օդի ջերմաստիճանն սեպտեմբերի 1-3-ը կբարձրանա ևս 2-4 աստիճանով:
Երևանում օգոստոսի 30-31-ը, սեպտեմբերի 1-3-ն սպասվում է առանց տեղումների եղանակ:
Իրաքի շրջաններից արևադարձային տաք օդային հոսանքների ներթափանցմամբ պայմանավորված՝ հանրապետության տարածքում սեպտեմբերի 1-3-ն օդի ջերմաստիճանը կբարձրանա այսօրվա համեմատ ևս 2-4 աստիճանով։
Արարատյան դաշտում, Արագածոտնի, Վայոց ձորի նախալեռնային գոտիներում և Երևանում սեպտեմբերի 1-3-ի ցերեկային ժամերին օդի ջերմաստիճանը կհասնի +38․․․+40 աստիճանի։
Պայմանավորված բարձր ջերմային ֆոնով և տեղումների բացակայությամբ՝ հանրապետության նախալեռնային և հովտային գոտիներում սպասվում է բարձր կարգի հրդեհավտանգ իրավիճակ։
