Երևանի կենդանաբանական այգին նոր բնակիչ ունի՝ ամուրյան վագրը:
Կենդանաբանական այգու ֆեյսբուքյան էջը տեղեկացնում է, որ վագրը ծնվել է Երևանում. «Այս արու վագրը դեռ 1 տարեկան էլ չկա։
Վագրին պահել և խնամել է անհատ անձ, իսկ երբ կենդանին մեծացել է, և դժվարացել է նրա խնամքի պայմանները՝ տեղափոխվել է Այգի։
Ամուրյան վագրն առայժմ գտնվում է կարանտինային ռեժիմում։ Դրանից հետո կտեղափոխվի ապրելու Այգու մյուս վագրի հարևանությամբ։
Ի դեպ՝ վագրն այգի է բերվել հուլիսի 29-ին՝ Վագրի համաշխարհային օրը»։
