ՀՀ առողջապահության նախարար Անահիտ Ավանեսյանը հանդիպել է Հայաստանում Սերբիայի Հանրապետության արտակարգ և լիազոր դեսպան Տատյանա Պանայոտովիչ Ցվետկովիչին:
Զրուցակիցները քննարկել են առողջապահության ոլորտում հայ-սերբական ներկայիս համագործակցությունը և հեռանկարները։
Գործընկերներն առանձնացրել են համագործակցությունը զարգացնելու ուղղություններ՝
• բժիշկների փորձի փոխանակման հնարավորություն,
• բժշկական կենտրոնների միջև մշտական կապ,
• առողջության առաջնային օղակի բարեփոխումներ,
• բժշկական թիմերի փոխայցելություններ,
• արտակարգ իրավիճակներում արագ արձագանքման մեխանիզմների ստեղծում։
Քննարկվել է նաև նշված ոլորտներում համագործակցության հուշագիր կնքելու հարցը:
Նշվել է նաև, որ առաջիկայում Բելգրադում ՀՀ դեսպանության բացումը նոր շունչ կհաղորդի երկու երկրների համագործակցությանը:
