Հասարակություն

Հանրապետության ներսում որտե՞ղ են հայաստանցիները սիրում հանգստանալ

Վերջին տարիներին Հայաստանում ակտիվացել է ներգնա տուրիզմը։ Քաղաքացիները նախընտրում են հանգստանալ ոչ միայն արտերկրում, այլև՝ Հայաստանի հանգստավայրերում։ Տեղացիների սիրելի ուղղություններից են Դիլիջանը, Սևանը, Ծաղկաձորը, Տաթևը, Ջերմուկը։

Radar Armenia-ն փորձել է պարզել՝ ներգնա տուրիզմի դեպքում որ ուղղություններն են նախընտրում հայաստանցիները մեկօրյա և երկարաժամկետ հանգստի համար։

Այսպիսով, մեկօրյա խմբակային տուրի ամենահայտնի ուղղություններում գործում են հետևյալ արժեքները.

Սևան-Դիլիջան-Գոշավանք-Հաղարծին-Պարզ լիճ - 6000 դրամ
Տաթև-Խնձորեսկ-Շաքի-Արենի - 8500 դրամ
Գառնի-Գեղարդ - 3900 դրամ
Գյումրի - 6000 դրամ

Ինչ վերաբերում է ավելի երկարաժամկետ հանգստին, մարդիկ հաճախ ընտրում են առողջարանները։

Ջերմուկում առողջարանային հանգիստը համեմատաբար թանկ է. 3-անգամյա սնունդ և բուժում - 2 անձի համար՝ օրական սկսած 45 հզ դրամից։
Արզնի, Հանքավան, Դիլիջան, Սևան - 2 անձի համար՝ սկսած 25-30 հզ դրամից՝ կախված հյուրանոցային պայմաններից։

Հատկապես օտարերկրացի այցելուները հաճախ ընտրում են լեռնագնացությունը։

Հայաստանաբնակները նախընտրում են լեռնագնացության խմբակային տարբերակը, որն առավել մատչելի է։