Երկուշաբթի, 26 Փետրվարի 2024

USD402

EUR431.11

RUB4.24

Երևան 2 ℃

Рус Eng

Ռուսական բանկերը սկսել են հայկական դրամով հաշիվներ բացել

Հասարակություն

25 Մայիսի 2022, 19:46

Ռուսական բանկերը վերջին օրերին սկսել են ակտիվորեն նաև հայկական դրամով հաշիվներ բացել ու սպասարկել։ Եվ հիմա շատ գործարարներ, որոնց բիզնեսն այս կամ այն կերպ առնչվում է Հայաստանի հետ, օգտվում են այդ հնարավորությունից։

Radar Armenia-ի հետ զրույցում տնտեսագետ Թաթուլ Մանասերյանը մեկնաբանեց, թե սա կարող է նպաստել երկու երկրների միջև առևտրատնտեսական կապերի ակտիվացմանը. «Բավական թվով ռուսական ընկերություններ են եկել ՀՀ, որոնք ՌԴ բանկերում ունեն իրենց հաշիվները։ Այդ ընկերությունների համար ուղղակի ձեռնտու է, որ ունենան նաև դրամական հաշիվներ, որ կարողանան ազատորեն գործարքներ կատարել։ Շատ ընկալելի և նորմալ երևույթ է, և այդպես պետք է զարգանան երկու երկրների միջև առևտրատնտեսական կապերը»։

Մանասերյանն ընդգծեց՝ ՌԴ-Արևմուտք լարված հարաբերությունների և ՌԴ դեմ պատժամիջոցների ֆոնին Հայաստանի հետ հարաբերությունները, բնականաբար, շատ ավելի բարվոք են. «Ռուսական ռուբլին ՀՀ-ում համարվում է ազատ փոխարկելի արժույթ, իսկ ՌԴ-ում հայկական դրամը ևս մասամբ այդպիսի կարգավիճակ ունի՝ շնորհիվ նրա, որ ՌԴ-ն ՀՀ-ի թիվ մեկ առևտրատնտեսական գործընկերն է»։

Մարիամ Սարգսյան

Հետևեք մեզ Telegram-ում
Արման Գալոյան

Պտտվիր, պտտվիր կարուսել, ես քո երգը վաղուց եմ լսել

Radar Armenia

Տեղի ունեցածը ոչ սովորական իշխանափոխություն էր, ոչ էլ պարզունակ պալատական հեղաշրջում