Երևանի տարբեր հատվածներում այսօր ժամը 8-ից «Դիմադրություն» շարժումն ավտոերթեր է անցկացնում:
Նախօրեին տեղի ունեցած հանրահավաքի ժամանակ ԱԺ փոխնախագահ, ՀՅԴ ԳՄ անդամ Իշխան Սաղաթելյանը հայտարարել էր, որ հաշվի առնելով եղանակային պայմանները, այսօր հանրահավաք տեղի չի ունենալու:
Նա տեղեկացրել էր, որ ժամը 08:00-ից ավտոերթերը կմեկնարկեն հետևյալ 5 վայրերից՝
- Աշտարակի խճուղի` Կարմիր խաչի գրասենյակի դիմաց,
- Արտաշատի խճուղի` «Կոնտինենտալ»-ի դիմաց,
- Երևան-Աբովյան մայրուղի` «Փարավոն» ռեստորանային համալիրի մոտ,
- Արգավանդի խճուղի` օդանավակայան տանող ճանապարհի գազալցակայանի մոտ,
- Արինբերդի խճուղի («Տեցի կռուգ»)։
