Արկտիկայում 2024-ի հոկտեմբերից մինչև 2025-ի սեպտեմբեր գրանցվել է վերջին՝ 125 տարվա ամենաբարձր ջերմաստիճանը։ NOAA-ի տվյալներով՝ վերջին 10 տարիները դարձել են Արկտիկայի պատմության ամենատաք տարիները։
Տաքացումը տեղի է ունենում միջինից մինչև չորս անգամ արագ, ինչի հետևանքով սառույցը հալվում է։ 1980-ականներից ի վեր ամենահին ու հաստ սառույցը կրճատվել է ավելի քան 95 տոկոսով։
Արկտիկայում այս տարի գրանցվել է նաև տեղումների ռեկորդ, ընդ որում՝ անձրևի տեսքով, նույնիսկ՝ ձմռանը։ Գիտնականների խոսքով՝ ձմեռ հասկացությունը Արկտիկայում փոխվում է։
Սառույցի հալքն արագացնում է օվկիանոսի տաքացումը, իսկ Գրենլանդիայի սառցաշերտի հալոցքը սպառնալիք է ամբողջ աշխարհի համար։
