Բրիտանիայի Մանչեսթեր քաղաքում հնագետների սիրողական մի խումբ հայտնաբերել է, ինչպես իրենք են կարծում, մոտ 4,500 տարվա վաղեմության բրոնզի դարաշրջանի «կարևոր» հուշարձանի հետքեր ֆերմայի տարածքում։
Ուիգանի հնագիտական ընկերությունը հայտարարում է, որ Ասպուլլ գյուղի հողատարածքում բացահայտել են հնագույն գերեզմանատեղիի մնացորդներ, որոնք, հնարավոր է, իրենց պատմությամբ հասնում են անգամ ավելի վաղ դարաշրջաններ։
Հնագետները ֆերմերի թույլտվությամբ այս տարածքում պեղումներ են կատարում 2022 թվականից։ Նրանց խոսքով՝ այդ հնագույն տարածքի վերաբերյալ «շատ տարբեր տեսություններ» կան։ Դա կարող էր ծառայել որպես թանկարժեք զարդերի նյութերի արդյունահանման վայր։
