Հռոմի ամենահայտնի հուշարձանները տարեկան միլիոնավոր այցելուներ են ընդունում, սակայն քաղաքի պատմական կենտրոնում գտնվող Կոլոննա պալատը շարունակում է մնալ լայն հանրության համար քիչ հասանելի վայր։
Պալատը, որը 12-րդ դարից պատկանում է Կոլոննա ընտանիքին, զբաղեցնում է քաղաքի կենտրոնում գտնվող մի ամբողջ թաղամասի չորս թևերը՝ ներկայացնելով ընտանիքի բազմադարյա ժառանգությունը։ Համալիրը գործում է որպես մասնավոր տուն-թանգարան և ընդունում է այցելուների միայն ուրբաթ և շաբաթ օրերին՝ առավոտյան մի քանի ժամվա ընթացքում և փոքր խմբերով։
Կոլոննա պալատը հայտնի է իր արվեստի հավաքածուով՝ գեղանկարներ, քանդակներ և դեկորատիվ արվեստի մի շարք գործերով։ Համալիրի կենտրոնական հատվածը համարվում է 76 մետրանոց Մեծ դահլիճը, որը աչքի է ընկնում իր չափերով, ճարտարապետական ձևավորմամբ և պատմական արվեստագիտական արժեքով։
Radar Armenia-ն Ֆոտոշարքով ներկայացնում է այս հազվադեպ այցելվող պալատի ներքին տեսքը՝ բացահայտելով տարածքներ, որոնք սովորաբար փակ են լայն հանրության համար։
