Ամերիկայի տարբեր քաղաքներում մարդիկ սննդաբաշխման կետերի մոտ հերթեր են կանգնել անհրաժեշտ մթերք ստանալու նպատակով։ Վաշինգտոնում շարունակվող կառավարության ֆինանսավորման շուրջ քաղաքական տարաձայնությունների հետևանքով պետական կառույցների մի մասը դեռ չի աշխատում, ինչի պատճառով հազարավոր պետական ծառայողներ արդեն մի քանի շաբաթ է՝ չեն ստացել աշխատավարձ։
Սոցիալական վիճակը բարդացել է նաև այն պատճառով, որ դաշնային սննդային օգնության ծրագրերը գործում են ուշացումներով։ Շատ ընտանիքներ ստիպված են դիմել օգնության ոչ միայն իրենց, այլև՝ ընտանի կենդանիների համար սնունդ ապահովելու նպատակով։
Radar Armenia-ն ֆոտոշարքով ներկայացնում է մարդկանց առօրյան, կամավորների աջակցությունը և այն մթնոլորտը, որը ձևավորվել է տնտեսական դժվարությունների ու շաթդաունի պայմաններում։
